پارلامەنت ماجىلىسىندەگى 27 ساۋىردەگى مەملەكەتتىك ءتىل تۋرالى زاڭ قابىلداۋ، كونستيتۋتسيانىڭ 7-ءشى بابىن وزگەرتىپ، مەملەكەتتىك ءتىلدىڭ ستاتۋسىن جەكە دارا ايقىنداۋ، ەلىمىزدىڭ اقپارات الاڭىن شەتەل تەلەارنالارىنان تازارتۋ، ءبىزدىڭ ەلگە كورشىلەس ەلدەردەن اعىلىپ جاتقاندارعا توسقاۋىل قويۋ ماقساتىندا قازاقستان ازاماتتىعىن الۋ ءۇشىن قازاق ءتىلى مەن ەل تاريحىنان ەمتيحان تاپسىرۋ تۋرالى قر پارلامەنتى ءماجىلىسى دەپۋتاتى، “اق جول” فراكتسياسى مۇشەسى، اقىن قازىبەك يسانىڭ دەپۋتاتتىق ساۋالىن قولداپ، 107 دەپۋتاتتىڭ 38 دەپۋتاتى قول قويدى، دەپ جازادى "ادىرنا" ۇلتتىق پورتالى qazaquni.kz-كە سىلتەمە جاساپ.
وزگە ۇلت وكىلدەرى شيپوۆسكيح، پلاتونوۆ، سمىشلياەۆا، يلياس بۋلاروۆ، ابيلفاس حامەدوۆ، قاراتاەۆتار جوعارى پاتريوتتىق كورسەتىپ قول قويعاندا، باسقا 68 دەپۋتات، اسىرەسە قازاق دەپۋتاتتار قايدا؟
نەگە ولار مەملەكەتتىك ءتىلدى قولداماي، قارسى بولدى؟
بەلگىلى جۋرناليست، قر ەڭبەك سىڭىرگەن قايراتكەرى، قازاق ءتىلىنىڭ جاناشىرى ساۋلە مەشىتبايقىزىنىڭ “قالعان دەپۋتاتتار قايدا؟”-دەپ، ارقايسىسىنىڭ اتتارىن اتاپ ىزدەپ، ولاردىڭ “قازاق ءتىلىن قولداماعانى وتە وكىنىشتى” دەپ، رەنجىپ جاتقانى ورىندى.
- يا، ۇلتتىق مۇددەنى قولداۋ مەملەكەتتىك تىلدەن باستالادى..! " ءتىل جويىلسا ۇلت جويىلادى "دەپ كەتتى الاش ارىستارى..!
اۋليەاتالىقتار كورىنبەيدى تىزىمدە، م. تولەپبەرگەن جوق ەكەن اۋ.. اتتەگەن اي..! اتالالارىمىز "وسىندايدا شاپپاعاندا..." دەگەن ەكەن. ايدوس سارىم، ەرلان مىرزالار، ءبىراز ازاماتتار جوق، وكىنىشتى!
...اللاعا شۇكىر پارلامەنت ء"دۇر" ەتتى..! قازبەك يسا باۋىرىما، اللا رازى بولسىن، قاتارى كوبەيىپ كەلەدى..! ءبىز، حالىق، بىرگەمىز! - دەپ جازدى س. مەشىتبايقىزى.
وعان جاۋاپ بەرگەن ءماجىلىس دەپۋتاتى قازىبەك يسا بارلىق دەپۋتاتقا الدىن الا ەسكەرتىلگەنىن ايتتى.
- ساۋلە مەشىتبايقىزى، دۇرىس ايتاسىز اپاي، مەن بۇلارعا، “وسى قولدايدى-اۋ” دەگەن دەپۋتاتتاردىڭ بارلىعىنىڭ تەلەفوندارىنا جەكە جازىپ جىبەرىپ، ەكى كۇن كۇتتىم. كەيبىرى جاۋاپ بەرمەي قۇتىلدى، كەيبىر قازاق دەپۋتاتتار قازاق ءتىلى تۋرالى دەپۋتاتتىق ساۋالدى قولداۋدان باس تارتتى.
وزگە ۇلت وكىلدەرى شيپوۆسكيح، پلاتونوۆ، سمىشلياەۆا، يلياس بۋلاروۆ، ابيلفاس حامەدوۆ، قاراتاەۆتاردان باستاپ مەملەكەتتىك ءتىلدى قولداپ، وتانشىلدىق رۋحىن كورسەتىپ جاتقاندا قازاق دەپۋتاتتاردىڭ بۇعىپ قالعانى ارينە، وتە وكىنىشتى! - دەپ جازدى دەپۋتات.
ال، ءسىزدىڭ دەپۋتاتىڭىز قازاق ءتىلىن قولداپ داۋىس بەردى مە؟
تومەندەگى ءتىزىمنىڭ ىشىنەن قاراڭىزدار! جوق، بولسا، ساۋال قويىڭىزدار: “اتا-بابا اماناتى قايدا؟ نەگە ورىنداماي، قازاق تىلىنە قارسى بولدىڭ!؟ - دەپ سۇراۋىمىز كەرەك ءبارىمىز!
قول قويىپ، قولداعاندار:
«اق جول» فراكتسياسىنىڭ مۇشەلەرى:
ق. يسا،
ا. پەرۋاشەۆ،
د. ەسپاەۆا،
ا. ابىلداەۆ،
ە. بارلىباەۆ،
ب. دۇيسەمبينوۆ،
س. ەرۋباەۆ،
ا. جۇماباەۆا،
ا. ليننيك،
ە. ومىرعالي،
م. رامانقۇلوۆ،
ع. حامزين.
«Amanat» فراكتسياسى مۇشەلەرى:
گەننادي شيپوۆسكيح
ارتۋر پلاتونوۆ
فاحريددين قاراتاەۆ
ماقپال تاجماعامبەتوۆا
ءاليا ابسەمەتوۆا
ءلاززات رامازانوۆا
جۇلدىز سۇلەيمەنوۆا
گۇلدارا نۇرىموۆا
ەلنۇر بەيسەنباەۆ
سامات مۇساباەۆ
ەدىل جاڭبىرشين
ساياسات نۇربەك
سىرىم ەرتاەۆ
امانجول التاەۆ
جاناربەك ءاشىمجانوۆ
سىرىم ادامباەۆ
باقىتبەك سماعۇل
عاني تاشقاراەۆ
بەرىك بەكجانوۆ
زارينا كاماسوۆا
ايگۇل قۇسپان
«قازاقستان حالىق پارتياسى» فراكتسياسى مۇشەلەرى:
گاۋھار نۇعمانوۆا
ايبەك پاياەۆ
عابدۋل-عازيز قۇلاحمەت
قازاقستان حالىق اسسامبلەياسى فراكتسياسى مۇشەلەرى:
يلياس بۋلاروۆ
ابيلفاس حامەدوۆ
بارلىعى پارلامەنت ءماجىلىسىنىڭ 39 دەپۋتاتى قول قويدى.
ازامات تاسقاراۇلى
