BIL تۇلەگى ميراس سەيىلحان الەمنىڭ ۇزدىك 33 ۋنيۆەرسيتەتىنەن شاقىرتۋ الدى. ولاردىڭ اراسىندا Colgate University, Pace university, London School of Economics, University of Lancaster جانە باسقالارى بار. بۇل تۋرالى @nashi_v_mire پاراقشاسى جازدى، دەپ حابارلايدى «ادىرنا» ءتىلشىسى.
ء"بىلىم-يننوۆاتسيا" ليتسەيىنىڭ بۇرىنعى پرەزيدەنتىمىن. كوپتەگەن الەۋمەتتىك جوبانىڭ نەگىزىن قالادىم. مىسالى، BIL press, BIL volunteers. وسىنداي جەتىستىككە جەتۋىمە مەكتەبىم مەن مۇعالىمدەرىم كومەكتەستى»،– دەيدى ول.
اڭگىمە بارىسىندا جاس دارىن وقۋعا تۇسۋگە قالاي دايىندالعانىن ايتىپ بەردى.
«كارانتين كەزىندە IELTS جانە SAT سىناقتارىنا دايىندالا باستادىم. كۇن سايىن اۋديوكىتاپتاردى تىڭداپ، ەسسە جازدىم. ناتيجەسىندە IELTS بويىنشا 8.0 جانە Duolingo بويىنشا 135/160 بالل الدىم. IELTS ەمتيحانىنا ەكى جىلعا جۋىق دايىندالدىم. الەمنىڭ ۇزدىك ۋنيۆەرسيتەتتەرىنە تاپسىرۋ كەزىندە ەسكەرىلەتىن باستى نارسە – ەسسە. ويتكەنى ول ءسىزدىڭ شىن مانىندە قانداي ادام ەكەنىڭىزدى كورسەتەدى. 50-گە جۋىق ۋنيۆەرسيتەتكە ءوتىنىش جىبەردىم. شىنى كەرەك، ەسسەلەردىڭ مازمۇنى بارلىق جەردە بىردەي بولدى، بىراق ۋنيۆەرسيتەتتىڭ اتاۋى مەن كەيبىر مالىمەتتەردى وزگەرتتىم. اقش-تا قابىلداۋ پروتسەسى قازاقستانداعىداي ەمەس. مىسالى، ءبىزدىڭ باستى كريتەريىمىز ۇبت بولسا، اقش-تا ەسسە، مۇعالىمدەردىڭ ۇسىنىس حاتى، ورتاشا بالل، سىنىپتان تىس جۇمىستار مەن جەتىستىكتەر نازارعا الىنادى»،– دەدى ميراس سەيىلحان.
سۇقبات سوڭىندا BIL تۇلەگى شەتەلدە وقىعىسى كەلەتىن بارشا وقۋشىعا اقىل-كەڭەسىن بەردى.
«الدىن الا دايىندالىڭىز. 9-10 سىنىپ – باستاۋ ءۇشىن تاماشا ۋاقىت. ەڭ باستىسى – ديستسيپلينانى ساقتاۋ. ونسىز دەمالىس جانە كارانتين كەزىندە حالىقارالىق سىناقتارعا دايىندالۋ قيىن»،– دەپ ءسوزىن قورىتىندىلادى ول.
«ادىرنا» ۇلتتىق پورتالى
