NIS-تە حالىقارالىق «Caspian Startup-2022» بايقاۋىنىڭ قورىتىندىسى شىعارىلدى

4375
Adyrna.kz Telegram

اقتاۋ قالاسىنداعى زياتكەرلىك مەكتەپتە «Caspian Startup-2022» حالىقارالىق ستارتاپتار بايقاۋىنىڭ قورىتىندىسى شىعارىلدى.

2022 جىلى ءداستۇرلى بايقاۋعا قازاقستان، ءازىربايجان، وزبەكستان، تۇركمەنستاننان 120-دان استام جوبا كەلىپ ءتۇستى. ولاردىڭ بارلىعى تابىستى ستارتاپتاردى قۇرۋ جانە ىلگەرىلەتۋگە، سونداي-اق ستارتاپ مادەنيەتىن قالىپتاستىرۋعا، ينۆەستورلار تارتۋعا، زياتكەرلىك مەنشىكتى قورعاۋعا باعىتتالعان.

فينالدىق تۋرعا قاتىسۋشىلار «بولاشاقتىڭ مەكتەبى»، «الەۋمەتتىك ماسەلەلەردى شەشۋ»، «تۋريزم» نوميناتسيالارى بويىنشا تابىستى ءومىر ءسۇرۋدى قامتاماسىز ەتەتىن IT-ستارتاپتاردى ۇسىندى.

–  جىل سايىن جوبالاردىڭ سانى ارتىپ كەلەدى، ولاردىڭ اتاۋلارى اۆتورلاردىڭ ازاماتتىق ۇستانىمى مەن جاھاندىق جاۋاپكەرشىلىگىن راستايدى، سوندىقتان ءبىز «Caspian Startup-2022» بايقاۋىن الەۋمەتتىك تاقىرىپقا ارنادىق، –  دەپ اتاپ ءوتتى اقتاۋداعى زياتكەرلىك مەكتەپ ديرەكتورى اسەل بەيسەمبينوۆا.

ەڭ مىقتى اۆتورلار بيزنەس، ءبىلىم بەرۋ، مەديتسينا، IT جانە باسقا دا سالا كاسىپقويلارىنان ىرىكتەلگەن بەدەلدى قازىلار القاسىنىڭ الدىندا ءوز جوبالارىن قورعادى.

العاش رەت «Caspian Startup-2022» بايقاۋىمەن قاتار زياتكەرلىك مەكتەپتەر مەن حالىقارالىق IT-ستارتاپتار تەحنوپاركى ۇيىمداستىرعان جاڭا جوباسىنىڭ قاتىسۋشىلارىن بىرىكتىرەتىن Demo Day شاراسى ءوتتى. ءۇش اي بويى NIS وقۋشىلارى Astana HUB-تا ونلاين وقۋدان ءوتىپ، تالىمگەرلەرمەن بىرلەسىپ ءوز جوبالارىن ازىرلەدى، كەلەشەگى زور جوبالاردىڭ اۆتورلارى ءوز جەتىستىكتەرىن كورسەتىپ، قورعاۋ ءۇشىن اقتاۋعا كەلدى. Demo Day الاڭىندا Astana HUB وتكىزگەن شەبەرلىك ساعاتتار توپتاماسى دا سۇرانىسقا يە بولدى. وقۋشىلار ءبىرىنشى شەبەرلىك ساعاتتا «ستارتاپ جانە تەحنولوگيالىق كاسىپكەرلىك دەگەنىمىز نە؟» ساۋالى توڭىرەگىندە ءبىلىم بەرۋ باعدارلامالارى كەڭسەسىنىڭ اعا مەنەدجەرى نازيرا ىزباسارمەن بىرگە وي ءبولىستى.

– مەن ءوز ورتاما، وتباسىما ورالعانداي بولدىم، – دەپ مويىندادى 2015 جىلى ەلورداداعى فيزيكا-ماتەماتيكا باعىتىنداعى زياتكەرلىك مەكتەپتى بىتىرگەن نازيرا.

Astana HUB جانە ۇلتتىق زياتكەرلىك مەنشىك ينستيتۋتىنىڭ قولداۋىمەن اقتاۋدا وتكەن Caspian Startup بايقاۋىنىڭ فينالدىق تۋرى قاتىسۋشىلارى ءۇشىن اۋقىمدى وقىتۋ ۇيىمداستىرىلدى، ينتەراكتيۆتى سەسسيالار مەن ماستەر-كلاسستار بيزنەس-كوممۋنيكاتسيالار، STEM-ءبىلىم، باعدارلامالاۋ، اۆتورلىق قۇقىق، بيوتەحنولوگيا، فارماكولوگيا، بالامالى ەنەرگيا كوزدەرى، سونداي-اق بۇگىنگى زاماننىڭ باستى باسىمدىقتارىنا ارنالدى. كريميناليستيكاداعى زاماناۋي حيميالىق تالداۋ ادىستەرىنە ارنالعان «شەرلوك حولمستىڭ ۇرپاقتارى» اتتى جوسپارلى شەبەرلىك ساعاتى ۇلكەن قىزىعۋشىلىق تۋدىردى.

زياتكەرلىك مەكتەپتەردى دامىتۋ دەپارتامەنتىنىڭ ديرەكتورى رۋستام ابيلوۆ پەن Astana HUB-تىڭ باسقارۋشى ديرەكتورى جامبىل ماحمەتوۆ قول قويعان مەموراندۋم NIS پەن IT-ستارتاپتاردىڭ حالىقارالىق تەحنوپاركى اراسىنداعى تابىستى ىنتىماقتاستىقتىڭ قيسىندى جالعاسى بولدى.

«Dioth.tech» جوباسىن قورعاعان اقتوبەدەگى زياتكەرلىك مەكتەپ وقۋشىسى ارمان جالعاسباەۆ «Caspian Startup-2022» حالىقارالىق بايقاۋىندا جەڭىسكە جەتتى. مەكتەپ قابىرعاسىندا رەسپۋبليكالىق عىلىمي جوبالار بايقاۋى مەن فيزيكا ءپانى بويىنشا جەلىلىك وليمپيادالاردىڭ بىرنەشە دۇركىن جەڭىمپازى بولعان ارمان بيىل اقتوبەدەگى NIS-ءتىڭ ۇزدىك وقۋشىسى اتاندى.

ءاسانالى مەن ءدياسالى كارىم، جاراسار داۋلەت پەن ديلناز تاسپۋلاەۆا قۇرعان كوكشەتاۋ قالاسىنىڭ جۇلدىزدى كومانداسى «Komek App» جوباسىن ازىرلەپ، ەكىنشى ورىندى يەلەندى.

قولا جۇلدە اقتاۋلىقتاردىڭ ەنشىسىندە قالدى – راحات اباتوۆ پەن ءمىرزاالى اسانوۆ «Blind-Klavish» جوباسىن مۇمكىندىگى شەكتەۋلى جانداردىڭ الەۋمەتتىك بەيىمدەلۋىنە ارنادى.

Demo Day الاڭىندا ۇسىنىلعان جوبالاردىڭ ىشىندە ورالداعى NIS («WEST» كومانداسى: ادەليا شاۋكەنەۆا، ەرنۇر ناسيكالي، ابىلاي مامەتان، الماس ساپاروۆ، ازامات ورازعالي) پەن شىمكەنتتەگى ەكى زياتكەرلىك مەكتەپ قۇراماسىنىڭ («Colight» كومانداسى: زيناەنۋر يسلام، قادىرجان لۋتفۋللاەۆ، ناريمان يساەۆ، اقبوتا سارسەمبەكوۆا) ستارتاپتارى ۇزدىك دەپ تانىلدى. Astana HUB Demo Day جەڭىمپازدارىنا جوبالارىن جۇزەگە اسىرۋدا قارجىلىق قولداۋ كورسەتەدى.

ارمان جالعاسباەۆ، كوكشەۋتاۋلىق كوماندا جانە اقتاۋداعى NIS وكىلدەرى ديانا كۋۆانباي مەن دانيل مۋحالەۆ («روبوت-تەراپەۆت SenimPlus» جوباسى) قازاقستان-بريتان تەحنيكالىق ۋنيۆەرسيتەتىنىڭ گرانتتارىن يەلەندى. سونداي-اق ۇزدىك جوبا اۆتورلارىنا سافي وتەباەۆ اتىنداعى اتىراۋ مۇناي جانە گاز ۋنيۆەرسيتەتى مەن شاحماردان ەسەنوۆ اتىنداعى كاسپي مەملەكەتتىك تەحنولوگيالار جانە ينجينيرينگ ۋنيۆەرسيتەتىنىڭ گرانتتارى تابىس ەتىلدى.

NIS جانە Astana HUB-تىڭ جازعى مەكتەبىنە ماڭعىستاۋ وبلىسىنىڭ 150-دەن استام وقۋشىسى مەن مۇعالىمى قاتىستى، ولار ءۇشىن ستارتاپ مادەنيەت جانە تسيفرلىق ساۋاتتىلىقتى قالىپتاستىرۋ بويىنشا ترەنينگتەر مەن شەبەرلىك ساعاتتار دايىندالدى.

«Caspian Startup-2022» بايقاۋىنىڭ قاتىسۋشىلارى ءۇشىن ماڭعىستاۋ ءوڭىرىنىڭ كيەلى جەرلەرىنە ەكسكۋرسيالار، پسيحولوگيالىق ترەنينگتەر، شىعارماشىلىق شەبەرلىك ساعاتتارى مەن سپورتتىق ويىندار ۇيىمداستىرىلدى. داستارحاننىڭ باستى اسى ازىرلەنگەن باۋىرساق-پاتي بيزنەس پەن IT-سالاسىنىڭ بولاشاق جۇلدىزدارىنا جاڭا سەرپىلىس پەن قۋانىش سىيلادى.

 

 

پىكىرلەر