قوي باعىپ جۇرگەن كەزىندە اكە-شەشەسى ءابىلحاندى ۇيلەندىرمەك بولادى. «بالامىزدىڭ ۇلكەنى سەن تۇرعاندا، ىنىلەرىڭە قالاي ۇيلەن دەپ ايتامىز؟ ءجونى ءتۇزۋ بىرەۋدىڭ قىزىن اتاستىرايىق، ۇيلەن بالام!» – دەيدى. ءابىلحان: «قويدى تاستاپ، وقيمىن، ايەل المايمىن»، – دەپ كونبەيدى. «بۇل وقۋعا كەتپەي تۇرعاندا، اياعىنا ماتاۋ سالايىق» دەپ، اكە-شەشەسى ءبىر سىرگەلىنىڭ قىزىنا قۇدا تۇسەدى. قىز دا ءابىلحاندى مەنسىنە قويماي: «قويشىعا تيمەيمىن، ونىمەن بايدىڭ ەسىگىنىڭ الدىندا جالشىلىقتا جۇرەتىن جايىم جوق»، – دەپ ازار دا بەزەر بولادى. ءابىلحاننىڭ دا ۇيلەنۋگە قۇلقى جوق. بىراق اكە-شەشەنىڭ ءسوزىن اتتاپ كەتۋگە باتىلى جەتپەي، باسى قاتىپ جۇرگەندە، قىز باسقا بىرەۋمەن قاشىپ كەتەدى.
«قاپ، سەنى مە؟» – دەپ قىزعا قاتتى كۇيىنبەيدى، بىراق نامىسىنا تيگەن وسى وقيعا ءابىلحاننىڭ كوڭىلىنە از دا بولسا سىزات تۇسىرەدى. دۇنيە الما-كەزەك دەگەن. الماتىدا وقۋعا تۇسكەن سوڭ گالستۋك تاققان قالپىمەن تورەگە ۇقساپ، قىزدىڭ كوزىنە تۇسكىسى كەلەدى. ءابىلحان قاسىنا كىسى ەرتىپ، قاتار جاتقان اۋىلعا الگى كەلىنشەكتىڭ ۇيىنە بارادى. جالشىلىقتىڭ جۇرناعى دا قالماعان، قالانىڭ ادامدارىنداي كيىنگەن ءابىلحاندى كورىپ، قىز «كوتەك» دەپ قۇلاپ قالا جازداپ، ەسىن جيىپ ۇيدەن شىعا جونەلىپتى.
ء(ابىلxان قاستەەۆ اتامىزدىڭ ومىرىنەن ءۇزىندى.)
گۇلجان احمەتجانقىزى،
قارلىعا يبراگيموۆا.
(«اق جەلكەن»، №1. 2014 جىل)
"ادىرنا" ۇلتتىق پورتالى
