پۋتين قوسىنىنا ارنالعان "پاۋتينا". ۋكراينا رەسەيدىڭ ستراتەگيالىق نىساندارىن سوققىلادى

1277
Adyrna.kz Telegram
https://adyrna.kz/content/uploads/2024/05/558215e8-24fb-48f5-b90a-ac917ee6b34a-960x500.jpeg?token=c161fc29a70c32d4d5f52aad480ba4eb

1 ماۋسىم كۇنى ۋكراينا قاۋىپسىزدىك قىزمەتى  "ورمەك" («پاۋتينا») اتاۋىمەن رەسەيدىڭ اسكەري اۆياتسياسىنا قارسى كەڭ اۋقىمدى وپەراتسيا جۇرگىزگەنى تۋرالى ايتىلدى، دەپ حابارلايدى "ادىرنا" ۇلتتىق پورتالى.

ۋكراينالىق باق پەن Telegram ارنالاردىڭ مالىمەتىنشە، وپەراتسيا بارىسىندا مۋرمان وبلىسىنداعى "ولەنيا" جانە يركۋتسك وبلىسىنداعى "بەلايا" اەرودرومدارىنا ۋكراين دروندارى شابۋىل جاساعان.

اگەنتتىك مالىمەتتەرىنە سەنسەك، 40-تان استام رەسەيلىك ستراتەگيالىق بومبالاۋشى ۇشاقتارعا زاقىم كەلتىرىلگەن. ولاردىڭ قاتارىندا سيرەك قولدانىلاتىن ءارى ءوندىرىسى توقتاعان ا-50, تۋ-95 جانە تۋ-22م3 ۇشاقتارى بار. زيان كولەمى 2 ميلليارد دوللاردان اسۋى مۇمكىن دەپ باعالاندى.

رەسەيلىك تۇرعىندار شابۋىل كەزىندە جارىلىستار مەن ءورتتى بايقاعانىن ايتىپ جاتىر. Telegram-ارنالاردا جۇك كولىگىنەن دروندار ۇشىرىلعانى، جۇرگىزۋشىلەردىڭ جۇك مازمۇنى تۋرالى حابارسىز بولعانى ايتىلدى.

"رىبار" ارناسىنىڭ دەرەگىنشە، دروندار جۇك كولىكتەرىنىڭ ىشىنەن FPV (First Person View) جۇيەسى ارقىلى ۇشىرىلىپ، سپۋتنيكتىك بايلانىس كومەگىمەن باسقارىلعان. ارنا بۇل شابۋىلدى رەسەيدىڭ ستراتەگيالىق اۆياتسيالىق قۋاتىنا كەلتىرىلگەن ورنى تولماس سوققى دەپ باعالاپ وتىر.

رەسمي ورگانداردان بۇل وقيعا بويىنشا ازىرگە تۇسىنىكتەمە بەرىلگەن جوق. الايدا وقيعا رەسەيدىڭ ىشكى قاۋىپسىزدىك شارالارىنا قاتىستى سۇراقتار تۋىنداتۋدا.

پىكىرلەر