ءماجىلىستىڭ بۇرىنعى دەپۋتاتى قايتىس بولدى

3186
Adyrna.kz Telegram

قازاقستان رەسپۋبليكاسى پارلامەنتى ءماجىلىسىنىڭ دەپۋتاتى بولعان بۇرحانوۆ قامال نيزامۇلى قايتىس بولدى، - دەپ حابارلايدى تengrinews.kz ءتىلشىسى. بۇل تۋرالى قازاقستان رەسپۋبليكاسى پارلامەنتى سەناتىنىڭ الەۋمەتتىك-مادەني دامۋ جانە عىلىم كوميتەتىنىڭ توراعاسى مۇرات باقتيارۇلى Facebook جەلىسىندەگى پاراقشاسىندا جازدى.  "جالعان ءومىراي... ۇستازىم، دوسىم، ارىپتەسىم كامال بۇرحانوۆ دۇنيەدەن وزىپتى. سوڭعى ەكى جىل توسەك تارتىپ جاتىپ كالعان ەدى. ماعريپا جەڭگەم كولدان كەلگەنشە بارلىعىن جاسادى. امال نەشىك، ءبارى ءبىر جاراتقاننىڭ قولىندا. باقۇل بول ادال دوس. جانىڭ ءجانناتتا بولعاي كامال اعا!", - دەپ جازدى سەنات دەپۋتاتى.  بۇرحانوۆ قامال نيزامۇلى - 1954 جىلى 31 ناۋرىزدا تاشكەنت وبلىسى يانگيۇل اۋدانى شۋروليساي اۋىلىندا دۇنيەگە كەلگەن. تاشكەنت مەملەكەتتىك ۋنيۆەرسيتەتىن، ماسكەۋ مەملەكەتتىك الەۋمەتىك ۋنيۆەرسيتەتىن بىتىرگەن. ساياسي عىلىمدارىنىڭ دوكتورى، پروفەسسور. 1977-1978 جىلدارى - ءا.قاستەەۆ اتىنداعى ونەر مۋزەيىنىڭ عىلىم قىزمەتكەرى، 1978-1979 جىلدارى - ش.ءۋاليحانوۆ اتىنداعى تاريح، ارحەولوگيا جانە ەتنولوگيا ينستيتۋتىنىڭ اعا لابورانتى; 1979-1995 جىلدارى - س.م. كيروۆ اتىنداعى قازمۋ - اعا لابورانت، اسسيستەنت، اعا وقىتۋشى، دوتسەنت، دەكان ورىنباسارى، پروفەسسور، وقۋ جۇمىسى جايىنداعى دەكان ورىنباسارى، تاريح فاكۋلتەتى ساياسي تاريح كافەدراسىنىڭ مەڭگەرۋشىسى قىزمەتتتەرىن اتقاردى.  1995-2000 جىلدارى - ءال-فارابي اتىنداعى قازمۋ - تاريح فاكۋلتەتىنىڭ دەكانى. 2000-2001 جىلدارى - ءال-فارابي اتىنداعى قازمۋ - فيلوسوفيا جانە ساياساتتانۋ فاكۋلتەتىنىڭ دەكانى; 2001-2002 جىلدارى - ءال-فارابي اتىنداعى قازمۋ - ساياساتتانۋ كافەدراسىنىڭ مەڭگەرۋشىسى; 2002-2004 جىلدارى - اباي اتىنداعى امۋ - زاڭ فاكۋلتەتىنىڭ دەكانى قىزمەتتەرىن اتقاردى.  2004-2006 جىلدارى - قر پرەزيدەنتى اكىمشىلىگىنىڭ باس ساراپشىسى. 2006 -2007 جىلدارى - ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى; 2007 - 2011 جىلدارى قر ءتورتىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى; 2012 جىلعى 20 اقپاننان باستاپ بەسىنشى سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، الەۋمەتتىك-مادەني دامۋ كوميتەتىنىڭ مۇشەسى بولدى. "قۇرمەت" وردەنىمەن ماراپاتتالعان. ۇيلەنگەن، ەكى بالاسى بار.

kaz.tengrinews.kz

پىكىرلەر