قازاقتان شىققان تۇڭعىش عارىشكەر، كەڭەس وداعىنىڭ باتىرى، قازاقستان رەسپۋبليكاسىنىڭ حالىق قاھارمانى، قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ قۇرمەتتى پروفەسسورى، تەحنيكا عىلىمىنىڭ دوكتورى، پروفەسسور توقتار وڭعاربايۇلى اۋباكىروۆ 70 جاسقا تولدى.
جاقىندا عانا اسكەري-اۋە كۇشتەرىنىڭ جاس وفيتسەرلەرىنە شەبەرلىك ساباعىن وتكىزىپ، تابىسقا جەتۋدىڭ باستى قۇپياسىن اشتى. «وزىڭە باتىر بولۋدى مىندەتتەمە. ول ەشقاشان جۇزەگە اسپايدى. ءار كۇن سايىن ءوز-وزىنە مىندەت قويىپ، مەن باتىر بولۋعا دايىنمىن با؟»، – دەگەن ساۋال قويعان ابزال. ءسىزدىڭ تابىسقا جەتۋىڭىز اسكەرەي عىلىمدى قانشالىقتى جاقسى وقىپ ۇيرەنگەنىڭىزگە تىكەلەي بايلانىستى ەكەنىن ناقتى تۇسىنگەن ءجون. تەحنيكا مەن اەروديناميكانىڭ قىر-سىرىن بىلمەسەڭ، دارىندىلىعىڭ ەش كومەكتەسپەيدى. كۇن سايىنعى ەڭبەك پەن ءبىلىم قۋ قۇمارلىعى – ساتتىلىككە اپارار بىردەن-ءبىر جول»،– دەدى ول.
ال، عارىش كەمەسىنە كوتەرىلەر ساتتە – « حالقىم، سەن ءۇشىن سۋعا دا، وتقا دا تۇسۋگە دايىنمىن!»،– دەگەن ەدى. ءوزى ايتقانداي سۋعا دا، وتقا ءتۇستى. كوپتەگەن جاۋاپتى مەملەكەتتىك قىزمەتتە دە، حالىق سايلاعان دەپۋتات تا بولدى.
حالىق قاھارمانىنىڭ مەرەيتويى استانادا، قاراعاندىدا، تۋعان جەرى قارقارالى اۋدانىندا دا تويلانۋدا.
جاسۇلان ءناۋرىزالى
