رەسەي ەۋروپا نارىعىن جوعالتا باستادى

604

ارابتاردىڭ ويلاعانى جۇزەگە استى - رەسەيلىكتەردىڭ ەۋروپاعا ۇسىنىپ وتىرعان Urals مۇناي قوسپاسى نارىقتا نولگە دەيىن قۇلادى دەپ حابارلايدى Bloomberg.

Vitol تاۋەلسىز ترەيدەرلەرى رەسەي مۇنايىن $3-تەن $3,1-گە دەيىن ءتۇسىرىپ ۇسىنسا دا ەشكىم وعان تاپسىرىس بەرمەدى، ويتكەنى سول باعاسىنىڭ ءوزى ساۋديالىقتار ۇسىنعان باعادان 20%-عا ارتىق بولىپ شىقتى.

ايتا كەتۋ كەرەك، ساۋديالىقتار ءوز باعاسىن باررەلىنە $25 ۇسىنا باستاعان سوڭ جاعداي وزگەرىپ كەتتى، ويتكەنى رەسەي مۇنايىنىڭ وزىندىك قۇنى $25, سوندىقتان ولار ودان تومەنگە ساتا المايدى دا.

ساراپشىلار بولجاعانداي، رەسەي ەۋروپا نارىعىن جوعالتا باستادى. ولاردىڭ مۇنايى ازيادا دا سۇرانىسقا يە ەمەس. قىتاي دا وزدەرىندەگى قيىندىقتارعا بايلانىستى مۇناي الۋدى شەكتەگەن.

اراب مۇنايى ءساۋىر ايىنان باستاپ ەۋروپاعا قاراي اعىلادى دەپ كۇتىلىپ وتىر، ياعني رەسەيدىڭ نەگىزگى ەكسپورتتىق تاۋارى، اياق استىنان تاڭعاجايىپ وقيعا ورىن الماسا، وسىمەن اياقتالعان سياقتى.

ادەتتە مۇنايمەن بىرگە گاز باعاسى دا تۇسەتىنى بار، رەسەيدىڭ ەكىنشى ەكسپورتتىق تاۋارىنىڭ دا پەرسپەكتيۆاسى ونشا جاقسى دەپ ايتۋعا كەلمەيدى.

قۋانىش ەدىلحانتەگى

پىكىرلەر