توقاەۆ پرەزيدەنتتىك قىزمەتىنەن كەتە مە؟

2483

اقپارات جانە قوعامدىق دامۋ ءمينيسترى داۋرەن اباەۆ قر پرەزيدەنتىنىڭ قىزمەتى تۋرالى سۇراققا جاۋاپ بەردى.

2019 جىلى 19 ناۋرىزدا قاسىم-جومارت توقاەۆ قازاقستان پرەزيدەنتى بولىپ سايلاندى. بۇگىن وسى كۇننىڭ مەرەيتويى. سوندىقتان دا، جەلىدە ق.توقاەۆتىڭ  مەملەكەت باسشىسى قىزمەتىنەن كەتەتىنى تۋرالى اڭگىمە كوبەيىپ كەتتى.

"شىنىمدى ايتسام، مۇنداي اسحانالىق اڭگىمەگە تۇسىنىكتەمە بەرۋ ىڭعايسىز ەكەن. بىراق، وكىنىشكە قاراي، بۇل تاقىرىپ  ساراپشىلار مەن جۋرناليستەردەن باستاپ  ەمدەلىپ جاتقان ناشاقورلارعا دەيىن ماڭىزدى بولىپ تۇر. مەن ولارعا تەك بىزگە ماڭىزدى، ناقتى ىستەرگە عانا كوڭىل ءبولۋىمىز كەرەك دەپ ايتقىم كەلەدى. وزدەرىڭىز بىلەسىزدەر، ءبىز ناقتى پروبلەمالاردان باسقا نارسەگە الاڭداماۋعا تىرىسامىز. جەلىدەگى جالعان اقپاراتتارعا قۇزىرەتتى ورگاندار ءوزىنىڭ قۇقىقتىق باعاسىن بەرە جاتار. ال، ءبىز قازىر ناقتى ىستەرگە نازار اۋدارۋىمىز كەرەك. بىزدە حالىقتىڭ سەنىمىنە يە زاڭدى سايلانعان پرەزيدەنت بار" - دەدى د.اباەۆ.

د.اباەۆ ن.نازارباەۆتىڭ  قىزمەتىنەن كەتكەنى تۋرالى ويىمەن دە ءبولىستى.

" 2019 جىلى 19 ناۋرىزدا شىن مانىندە تاريحي كۇن بولدى. بۇل كۇن ەلدى وزگەرتتى. ءبىزدىڭ تاريحىمىزدا جاڭا كەزەڭ باستالدى. بۇل شەشىم بارلىعى ءۇشىن كۇتپەگەن جەردەن بولدى. مەنىڭ ويىمشا، ەلباسىنىڭ وسىنداي تاريحي شەشىم قابىلداۋىنداعى  دانالىعى مەن تەرەڭدىگىن ءبىز كەيىنىرەك تۇسىنەمىز. وعان ءبىزدىڭ بالالارىمىز، بالكىم نەمەرەلەرىمىز ءدال باعاسىن بەرەتىن بولادى"- دەپ اتاپ ءوتتى.

جاسۇلان ءناۋرىزالى

"ادىرنا" ۇلتتىق پورتالى

پىكىرلەر