دۋلات اعادىلدىڭ قازاسى جايلى قىلمىستىق ىستە ادۆوكات اۋىستى

3729
Adyrna.kz Telegram

دۋلات اعادىلدىڭ قازاسىنان سوڭ قوزعالعان قىلمىستىق ىستە ونىڭ وتباسىنىڭ مۇددەسىن مۇنان بىلاي ادۆوكات عالىم نۇرپەيىسوۆ قورعايدى. ول تەرگەۋ بارىسىنا بايلانىستى قۇپيانى جاريالاماۋ جونىندە مىندەتتەمە العاندىقتان ازىرگە ءىس بارىسى تۋرالى ايتپايتىنىن، ءىس اياقتالعان سوڭ ساراپتاماسىن جاريالايتىن ايتتى. ول قىلمىستىق ءىستى تەرگەۋ 25 مامىردى اياقتالۋى مۇمكىن دەپ بولجايدى.

عالىم نۇرپەيىسوۆتىڭ ازاتتىققا ايتۋىنشا، زاڭدا قىلمىستىق قۇقىق بۇزۋشىلىق جاسادى دەگەن كۇدىك بويىنشا ۇستالعان ادامدى كۇزەتپەن ۇستاۋ - ونىڭ ءومiرi مەن دەنساۋلىعىنا قاتەر توندىرمەي جۇزەگە اسىرىلۋعا تيiس ەكەندىگى انىق جازىلعان.

- دۋلات اعادىلدى ۇيىنەن ءتىرى اكەتىپ، ىزىنشە ءمايىتىن قايتارعانى - قۇقىق قورعاۋ ورگاندارىنىڭ قىلمىستىق اتقارۋ پروتسەسىنە كەم دەگەندە نەمقۇرايلى قاراعانىن كورسەتەدى، - دەيدى عالىم نۇرپەيىسوۆ.

ادۆوكات قازاقستان پرەزيدەنتى قاسىم-جومارت توقاەۆتىڭ بەلسەندىنىڭ قازاسىنا جايلى پىكىرىنە دە كوزقاراسىن ءبىلدىردى. ول پرەزيدەنت تەرگەۋ اياقتالماستان بۇرىن بەلسەندىنى "جۇرەك تالماسىنان قايتىس بولدى دەپ سەنىممەن ايتا الامىن" دەۋ ارقىلى ءىس باعىتىنا سىلتەمە جاساعانداي بولدى" دەپ سانايدى.

"دۋلات اعادىل ءىسى" بويىنشا سوتقا دەيىنگى تەرگەۋ باسىندا ونىڭ اناسىنىڭ مۇددەسىن ادۆوكات ايمان وماروۆا قورعاپ، كەيىننەن باس تارتقان. ايمان وماروۆا باس تارتۋ سەبەبىن "دۋلات اعادىل وتباسىنىڭ وزگە ادۆوكاتتارى بار جانە وتباسىنىڭ ءوزى ناقتى اقپارات تاراتپاي وتىر" دەپ تۇسىندىرگەن.

الايدا دۋلات اعادىلدىڭ اناسى گۇلباراش جولمۇحانبەتوۆا ايمان ومارۆاعا دەيىن ادۆوكاتتارى بولماعانىن ايتادى.

44 جاستاعى بەلسەندى دۋلات اعادىل بيىل، 2020 جىلى 25 اقپاندا نۇر - سۇلتانداعى تەرگەۋ يزولياتورىندا قايتىس بولعان. ونى 24 اقپاندا تۇندە قاراپايىم كيىمدەگى بىرنەشە ادام ۇيىنەن اكەتكەن. ءىىم ونىڭ "جۇرەك تالماسىنان" قايتىس بولعانىن مالىمدەگەن. 27 اقپاندا الەۋمەتتىك جەلىدە دۋلات اعادىل ءمايىتىنىڭ ۆيدەوسى تاراعان. ۆيدەونى تۇسىرگەن ادام ونىڭ دەنەسىندە كوگەرگەن ىزدەر بارىن ايتادى. كەيىنىرەك جەرگىلىكتى پروكۋراتۋرا "ۆيدەو ينتەرنەتكە بەلسەندىنىڭ تۋىستارىنىڭ رۇقساتىنسىز جاريالاندى، دەنەدەگى داقتار بيولوگيالىق ءولىم بەلگىلەرى" دەپ مالىمدەگەن.

دۋلات اعادىلدىڭ قازاسىنان كەيىن قازاقستاننىڭ بىرنەشە قالاسىندا وتكەن نارازىلىق اكتسيالارىنا قاتىسۋشىلار بەلسەندىنىڭ قازاسىنا بيلىك كىنالى دەپ ەسەپتەيتىنىن بىلدىرگەن.

28 اقپاندا قازاقستان پرەزيدەنتى قاسىم-جومارت توقاەۆ بەلسەندى دۋلات اعادىل "جۇرەك تالماسىنان قايتىس بولدى" دەپ مالىمدەگەن. رەسمي ساراپتاما قورىتىندىسى شىقپاي تۇرىپ ايتىلعان بۇل تۇجىرىمدى قوعام وكىلدەرى سىناعان.

دۋلات اعادىلدىڭ پوليتسيا اكەتكەن سوڭ جۇمباق قازاعا ۇشىراۋىنا بايلانىستى اقش مەملەكەتتىك دەپارتامەنتىنىڭ وكىلى، ۇلىبريتانيانىڭ قازاقستانداعى ەلشىلىگى مەن ەۋروپاداعى قاۋىپسىزدىك پەن ىنتىماقتاستىق ۇيىمى نۇر-سۇلتاندى تەرگەۋدى اشىق ءارى ءادىل جۇرگىزۋگە شاقىرعان.

قازاقستاندىق قۇقىق قورعاۋشىلار مەن بەلسەندىلەر دۋلات اعادىلدىڭ قازاسىن "ساياسي سيپاتى بار" دەپ ساناپ، تەرگەۋدى ءادىل جۇرگىزۋدى تالاپ ەتىپ كەلەدى.

"ازاتتىق" راديوسى

پىكىرلەر