ىشكى ىستەر ءمينيسترى ەرلان تۇرعىمباەۆ جۇرگىزگەن قىزمەتتىك تەكسەرىستىڭ قورىتىندىسى بويىنشا باسشىلىق قىزمەتتەگى 9 قىزمەتكەرگە قاتىستى تارتىپتىك جازا قولدانىلدى.
– الماتى قالاسى پد كادر ساياساتى باسقارماسىنىڭ باسشىسى پوليتسيا پولكوۆنيگى و. س. مىرزابەكوۆ;
– الماتى قالاسى پد جەكە قۇرام بويىنشا ينسپەكتسيا باسشىسى پوليتسيا پودپولكوۆنيگى ا.و. اقىلبەكوۆ اتقارىپ جۇرگەن لاۋازىمدارىنان بوساتىلدى.
– الماتى قالاسى پد جەرگىلىكتى پوليتسيا قىزمەتىنىڭ باسشىسى پوليتسيا پولكوۆنيگى م. ا. ساتتاروۆقا (بۇرىن پولك كومانديرى قىزمەتىن اتقارعان);
– الماتى قالاسى وزىندىك قاۋىپسىزدىك باسقارماسىنىڭ باسشىسى پوليتسيا پودپولكوۆنيگى س.و. كوكىرەكباەۆقا;
– الماتى قالاسى پد باسشىسىنىڭ ورىنباسارى پوليتسيا پولكوۆنيگى ا.ا. ناشاربەكوۆكە قىزمەتىنە تولىق سايكەس ەمەستىگى ەسكەرتىلدى.
– الماتى قالاسى پد باسشىسىنىڭ ءبىرىنشى ورىنباسارى پوليتسيا پولكوۆنيگى ن. س الماسبەكوۆكە، الماتى قالاسى پد-ءنىڭ ءبولىم باسشىسى پوليتسيا پودپولكوۆنيگى س.ك. ازىربەككە قاتاڭ سوگىس جاريالاندى.
الماتى قالاسى پوليتسيا دەپارتامەنتىنىڭ باسشىسى ق.د.تايمەردەنوۆكە سەنىپ تاپسىرىلعان بولىمشەنىڭ قىزمەتىن ۇيىمداستىرۋداعى كەمشىلىكتەرى ءۇشىن قاتاڭ سوگىس جاريالاندى.
ەسكە سالايىق، 25 مامىردا كوكساي اۋىلىنداعى بلوك-بەكەتتەردىڭ بىرىندە جانتۇرشىگەرلىك جول اپاتى بولىپ، ەكى پوليتسەي قازا تاپتى. سول ساتتە كولىك ىشىندە بولعان 42 جاستاعى پوليتسەي جاراس جانعازيەۆ وقيعا ورنىندا ال، ونىڭ ارىپتەسى داستان ابدىقانوۆ اۋرۋحانا توسەگىندە كوز جۇمدى.
