"ماسكەۋ كەت", "پۋتين ۇرى". حاباروۆسكىدە حالىق كوشەگە شىقتى (ۆيدەو)

5234
Adyrna.kz Telegram

 " ماسكەۋ، كەت!" حاباروۆسك كوشەلەرىندە ونداعان مىڭ ادام ميتينگكە شىقتى دەپ حابارلايدى "ادىرنا" بي-بي-سي-ءدىڭ ورىس قىزمەتىنە سىلتەمە جاساپ.

سەنبى كۇنى تاڭەرتەڭ حاباروۆسكىنىڭ ورتالىعىندا  گۋبەرناتور سەرگەي فۋرگالدى كاسىپكەرلەردى ءولتىرۋدى ۇيىمداستىردى دەگەن ايىپپەن قاماۋعا الىنۋى ايماق تاريحىنداعى ەڭ ءىرى نارازىلىق شاراسىنا ۇلاستى.

DVHAB.RU مالىمەتى بويىنشا، قالا ورتالىعىندا 5-35 مىڭ ادام بولدى. "حاباروۆسك ولكەسى بۇگىن" گازەتى ميتينگىگە قاتىسۋشىلاردىڭ سانى 60 مىڭعا جۋىق ادام قاتىسقان «ولمەس پولكتىڭ» سانىنان كوپ بولدى دەپ بولجايدى.

فۋرگالدىڭ ءباسپاسوز حاتشىسى نادەجدا تومچەنكو ربك-عا بەرگەن سۇحباتىندا 20 مىڭعا جۋىق ادام جينالعان دەپ ەسەپتەيدى.

حاباروۆسك  ىشكى ىستەر باسقارماسى  رۇقسات ەتىلمەگەن شەرۋگە قاتىسۋشىلار جايلى اناعۇرلىم تومەن مالىمەت بەردى. ءبولىمنىڭ مالىمەتى بويىنشا، اكتسياعا 10-نان 12 مىڭعا دەيىن ادام قاتىسقان. پوليتسيا نارازىلىقتى ۇيىمداستىرۋشى «فۋرگالدىڭ كومانداسى» دەپ سانايدى. تومچەنكونىڭ ايتۋىنشا، بۇل مۇلدە ولاي ەمەس: «ميتينگتىڭ ۇيىمداستىرۋشىسى نەمەسە جەتەكشىسى بولعان جوق، ال ول تۋرالى اقپارات الەۋمەتتىك جەلىلەرگە تاراپ كەتتى. حالىق ءوز ەركىمەن كوشەگە شىقتى».

حاباروۆسكىدەن بولەك، وبلىستىڭ باسقا قالالارىندا فۋرگالدى قولداۋ اكتسياسى ءوتتى. امۋر كومسومولسكىدە مىڭنان استام ادام رۇقسات ەتىلمەگەن ميتينگىگە قاتىستى. نيكولاەۆسكىدە اۆتوكولىكتەر فۋرگالدى قولداۋ ءۇشىن فلەش-موب وتكىزىپ،  «يا / مى فۋرگال» دەگەن ءسوزدى ماشينامەن جازدى. مۇنداي ۇراندار بىلتىر "مەدۋزانىڭ" ءجۋرناليستى يۆان گولۋنوۆ ۇستالعاننان كەيىن  تانىمال بولدى.


بيلىك شەرۋدىڭ الدىن الۋعا تىرىستى، بىراق بۇل ارەكەتتەرىنەن تۇك شىقپادى. قاتىسۋشىلار فۋرگالدى قولداپ،  پۋتينگە قارسى ۇراندار ايتتى
بيلىك حاباروۆسكىدەگى ميتينگىگە ءبىر كۇن بۇرىن دايىندالا باستادى. فۋرگالدى قولداپ كوشەگە شىعۋعا شاقىراتىن حابارلامالار الەۋمەتتىك جەلىلەردە جانە ۇيلەردىڭ پودەزدەرىندە جارنامالار ارقىلى تاراتىلدى. ناتيجەسىندە لەنين اتىنداعى ورتالىق  الاڭعا قورشاۋلار قويىلدى. شەنەۋنىكتەر دەزينفەكتسيانى كوروناۆيرۋستىق ينفەكتسيانىڭ الدىن-الۋعا بايلانىستى دەپ اقتالۋعا تىرىستى.

بۇل نارازىلىق بىلدىرۋشىلەردى توقتاتا المادى، تۇسكە قاراي ورتالىققا كوپتەگەن ادامدار جينالدى، بۇل ءوز كەزەگىندە كولىكتەردىڭ قوزعالىسىن قيىنداتتى. ميتينگ شەرۋگە شىققان ادامدار قالانىڭ ورتالىق كوشەلەرىمەن ءجۇرىپ ءوتتى، قورشاۋعا قاراماستان پۋشكين الاڭىنا دەيىن جەتە الدى. نارازىلىق ميتينگىسىنە تەك حاباروۆسك تۇرعىندارى عانا ەمەس،  وبلىستىڭ باسقا قالالارى مەن اۋداندارىنان دا ادامدار كەلدى.

قاتىسۋشىلار پروۆينتسياداعى كوۆيد-19 جاعدايىنىڭ كوبەيۋى تۋرالى حاباردان قورىققان جوق. ولاردىڭ كوپشىلىگى مەديتسينالىق ماسكا تاققان. نارازىلىق بىلدىرۋشىلەر «فۋرگالدى ۇيىنە قايتارىڭدار»، « فۋرگالعا بوستاندىق»، «ول ۇرىلارعا ۇرلاۋعا جول بەرمەدى» دەپ جازىلعان پلاكاتتار الىپ ءجۇردى.

شەرۋدەن كەيىن نارازىلىق بىلدىرۋشىلەر ورتالىق الاڭدى تولتىردى. نارازىلىق بىلدىرۋشىلەردىڭ ءبىر بولىگى حاباروۆسك ولكەسىنىڭ اكىمشىلىك عيماراتىنا كىرۋگە تىرىستى.

عيمارات الدىن پوليتسيا كۇزەتىپ تۇردى. جينالعاندار: «پۋتين وتستاۆكاعا كەت!» جانە «پۋتين ۇرى» دەپ ۇرانداتتى.

قاتىسۋشىلار بيلىك وكىلدەرىنىڭ  شىعىپ، جاۋاپ بەرۋىن تالاپ ەتتى. ءبىراز ۋاقىتتان كەيىن فۋرگالدىڭ ءباسپاسوز حاتشىسى نادەجدا تومچەنكو اكىمشىلىكتىڭ الدىنا جينالعانداردىڭ الدىنا شىقتى. ول نارازىلىق بىلدىرۋشىلەرگە كورسەتكەن قولداۋى ءۇشىن العىسىن ءبىلدىرىپ، اكىمدىك تە بولىپ جاتقان وقيعادان «بەيحابار قالدى» دەدى.

تاعى ءبىر شەنەۋنىك قۇقىقتار زاڭ اياسىندا قورعالۋى كەرەك دەدى، بىراق جينالعاندار ونىڭ سوزدەرىن تىڭداماستان «ۇيات!» دەپ ايقايلاپ، اۋزىن اشتىرمادى. نارازىلىق بىلدىرۋشىلەردىڭ كوپشىلىگىنىڭ اشۋ-ىزاسىن كەلتىرگەنى جاپپاي ميتينگ كوروناۆيرۋستىڭ تارالۋ قاۋپىن كوبەيتەدى دەگەن ءسوز بولدى.

نارازىلىق بىلدىرۋشىلەر فۋرگالدى قورعاۋعا ارنالعان پەتيتسياعا قول قويىپ، بەيبىت تاراۋ تۋرالى ۇسىنىسقا قارسى شىعىپ، «پۋتين وتستاۆكاعا كەت!» دەپ تاعى دا ايعايلادى. ميتينگتەگى باستامانى جاستار قولىنا الدى.

فۋرگالدىڭ سوت ءىسىن ماسكەۋدە ەمەس، حاباروۆسكىدە  جۇرگىزۋ جونىندە تالاپ قويىلدى. الەكسەي ناۆالنىيدىڭ شتاب ۇيلەستىرۋشىسى بولعان الەكسەي ۆورسين ءسوز سويلەپ، ونىڭ ءسوزى الەۋمەتتىك جەلىلەردە تاراتىلدى.

پوليتسيا ميتينگىنى باقىلاپ قانا تۇردى، ەشقانداي قاماۋلار بولعان جوق. وسى ءۇشىن ءتارتىپ ساقشىلارىنا نارازىلىق بىلدىرۋشىلەر العىس ايتىپ، پوليتسيا دا فۋرگالدى قولدايدى دەپ ايقايلادى.

ميتينگ باستالعاننان ءتورت ساعات وتكەن سوڭ، نارازىلىق بىلدىرۋشىلەر پەتيتسياعا قول قويۋعا كەلىستى. مىڭداعان ادام قول قويۋ ءۇشىن كەزەككە تۇردى. وسىدان كەيىن دەمونسترانتتار تاراي باستادى.

فۋرگال ەكى جىل بۇرىن حاباروۆسك ولكەسىنىڭ گۋبەرناتورى قىزمەتىنە كىرىسكەن. ول ايماقتاعى  حالىققا جاقىن، بەدەلدى ادام بولىپ ەسەپتەلەدى. وسى ولكەدە  رەيتينگ بويىنشا ول پۋتيننەن جوعارى تۇر.

"ادىرنا"ۇلتتىق پورتالى

پىكىرلەر