شىرعاناق اۋىلىنىڭ جاڭا اكىمىنە حالىق قارسىلىق بىلدىرۋدە

5197
Adyrna.kz Telegram

الماتى وبلىسى، كەگەن اۋدانىنا قاراستى، شىرعاناق اۋىلىنىڭ جاڭا اكىمى اۋىل تۇرعىندارىنىڭ كەلىسىمىءنسىز اۋىسىپ، حالىق نارازىلىعىن تۋدىرۋدا، دەپ حابارلايدى "ادىرنا" ءتىلشىسى. بۇل تۋرالى ءانشى رامازان ستامعازيەۆ ءوز Instagram پاراقشاسىندا ءمالىم ەتتى.

رامازان ستامعازيەۆتىڭ سوزىنشە، 20 مينۋتتا اۋىسقان جاڭا اكىم سايلانار الدىندا اۋىل تۇرعىندارىمەن ەش ساناسپاستان بۇرىنعى اكىم بەكباتىروۆ ورازبايدى اكىمدىكتەن ءتۇسىرىپ تاستاعان. ول Instagram پاراقشاسىنداعى جازباسىندا:

"20 مينۋتتا اۋىل اكىمى اۋىستى نەگە؟
ءبىز، سول اۋىلدان تۇلەپ ۇشقان ازاماتتار، الماتى وبلىسى، كەگەن اۋدانى، شىرعاناق اۋىلدىق وكرۋگىنىڭ بۇرىڭعى اكىمى ورازباي بەكباتىروۆتىڭ اۋىلعا سىڭىرگەن ەڭبەگىنە كوز جۇمىپ قاراي الماعاندىقتان وسى پوستتى جازۋعا تۋرا كەلدى.

ورازباي بەكباتىروۆ شىرعاناق اۋىلىنىڭ وركەندەۋى ءۇشىن تەك اۋىل تۇرعىندارى عانا ەمەس، سول اۋىلدان نەشە جىل بۇرىن كەتىپ قالعان ءبىزدىڭ دە باسىمىزدى قوسىپ، سول اۋىلدىڭ وركەندەۋىنە، زاماناۋي تالاپتارعا ساي بولۋىنا ۇلەس قوسۋىمىزعا مۇرىندىق بولدى. بۇل كەز-كەلگەن اكىمنىڭ ويىنا كەلە بەرمەيتىن نارسە.

اۋىلداعى فۋتبول الاڭى، ارداگەرلەر ەسكەرتكىشى، جارامسىز قالعان ءۇيدى پايدالانا وتىرىپ جاساعان جابىق سپورت كەشەنى، اۋىلدىڭ توقسان جىلدىق مەرەيتويى مەن قاتار كىتاپ شىعارىپ،ەش ۇكىمەتتىڭ قارجىسىسىز، سپونسورلار جيناۋىنىڭ ناتەجيەسىندە وتكىزىلگەن. ءبارى-ءبارى سول ورازباي اعامىزدىڭ ەرەكشە ۇيىمداستىرۋشىلىق قابىلەتى مەن اۋىلعا دەگەن ماحابباتىنىڭ بىردەن ءبىر كۋاسى. وعان تەك اۋىل تۇرعىندارى عانا ەمەس، سىرتتاعى ءبىز، اۋدان جانە وبلىس اكىمدەرى دە كۋا.

ەندەشە نەگە سىزدەر، الماتى وبلىس اكىمى،اۋدان اكىمى،اۋىل تۇرعىندارى، اۋىلىمىزدان شىققان، اۋىل ءۇشىن كۇيەتىن اۋىل ازاماتىن قولداماي وتىرسىزدار؟ سىزدەر سايلاعان ماسليحات دەپۋتاتتارى مەن كەگەن اۋدانى اكىمىنىڭ اپپاراتى حالىق مۇددەسىن ەمەس، تەك بەلگىلى ءبىر ادامداردىڭ مۇددەسىن قورعاپ كەتكەنىن كورىپ وتىرمىز!ەندەشە اۋىل ازاماتىن قولدايىق!

مەنىڭ ويىمشا اۋىل بەلسەندىلەرى، جاناشىرلارى بىرىگىپ قۇقىقتىق مەملەكەتتە تۇرىپ جاتقانىمىزدى ەسكەرە وتىرىپ، قۇزىرلى ورگاندارعا ۇندەۋ تاستاپ، ورازباي بەكباتىروۆتى شىرعاناق اۋىلدىق وكرۋگىنىڭ اكىمى ەتىپ قايتا سايلاۋ ۇسىنىسىن تاستايمىز" دەپ جازدى.

اۋىل تۇرعىندارى،  قر پرەزيدەنتىنىڭ 09.04.2014 جىلعى، ءنومىرى 792 بۇيرىعىنىڭ، 13-پۋنكتىنە قارسى كەلگەن اۋدان اكىمى بايەديلوۆ تالعات ەسكەندىرۇلىنىڭ شەشىمىنە ءوز شاعىمدارى مەن نارازىلىعىن ايتۋدا. وندا "اۋىل اكىمىن، اۋدان اكىمى جەرگىلىكتى ۇيىممەن بىرلەسىپ سايلاۋى قاجەت", دەلىنگەن.

"ادىرنا" ۇلتتىق پورتالى

پىكىرلەر