ۇستىمىزدەگى جىلدىڭ ونىنشى ساۋىرىندە قر ۇقك شەكارا اكادەمياسىنىڭ اۋلاسىنا شەكاراشى كۋرسانتتاردىڭ قاتىسۋىمەن ەلىمىزگە ايگىلى “الماتى اپورتى” اعاشىنىڭ 200 كوشەتى وتىرعىزىلدى.
- اتالمىش شارا، ەل تاۋەلسىزدىگىنىڭ 30 جانە اكادەميانىڭ 90 جىلدىعىنا وراي ۇيىمداستىرىلىپ وتىر.
ايتا كەتۋ كەرەك، شەكارالىق باقىلاۋ كافەدراسىنىڭ ۇجىمى مەملەكەت باسشىسىنىڭ تاپسىرماسىن ورىنداۋ ماقساتىندا اكادەميا اۋماعىنا كوگالداندىرۋ جۇمىستارىن جۇرگىزدى.
ەستەرىڭىزدە بولسا، مەملەكەت باسشىسى قاسىم-جومارت توقاەۆ قازاقستان حالقىنا ارناعان كەزەكتى جولداۋىندا ەكولوگيالىق احۋالدى جاقسارتۋ جونىندەگى پراكتيكالىق شارالاردى ىسكە اسىرۋعا كىرىسۋدى تاپسىرعان. سونىمەن قاتار، پرەزيدەن ۇلتتىق پاركتەر مەن ەلدىڭ باسقا دا تابيعي بايلىعىن زاڭنامالىق جانە نورماتيۆتىك تۇرعىدان قورعاۋ قاجەتتىگىن اتاپ وتكەن بولاتىن.
جانات جابىربەكوۆ،
قر ۇقك شەكارا اكادەمياسىنىڭ
ءباسپاسوز حاتشىسى
