پەتروپاۆلدا كامەلەتكە تولماعان قىزعا قاتىستى قىلمىس جاسادى دەگەن كۇدىكتى ۇستالدى، دەپ حابارلايدى «ادىرنا» ءتىلشىسى Polisia.kz-كە سىلتەمە جاساپ.
«2021 جىلعى 4 تامىز كۇنى ساعات 22.00 شاماسىندا كريمينالدىق پوليتسيا قىزمەتكەرلەرى جەدەل-ىزدەستىرۋ ءىس-شارالارى بارىسىندا جاس قىز بالاعا قاتىستى سەكسۋالدىق سيپاتتاعى زورلىق-زومبىلىق ارەكەتتەرىن جاساۋدا كۇدىكتى وبلىس ورتالىعىنىڭ تۇرعىنىن ۇستادى. ەر ادام قالالىق پوليتسيا باسقارماسىنىڭ ۋاقىتشا ۇستاۋ يزولياتورىنا قامالدى»،– دەدى ۆەدومستۆو.
اتالعان فاكتى قر قىلمىستىق كودەكسىنىڭ 121-بابىنىڭ 4-بولىگى (جاس بالاعا قاتىستى جاسالعان سەكسۋالدىق سيپاتتاعى زورلىق-زومبىلىق ارەكەتتەرى) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى.
«ادىرنا» ۇلتتىق پورتالى
