اقتوبە وبلىستىق پوليتسيا دەپارتامەنتىنىڭ عيماراتىندا پوليتسيانىڭ سەرۆيستىك مودەلىنە كوشۋ جۇيەسى تانىستىرىلدى. وعان وبلىس اكىمىنىڭ ءبىرىنشى ورىنباسارى ر.گ.حامباروۆ، اقتوبە وبلىستىق ءماسليحاتىنىڭ دەپۋتاتتارى مەن قوعامدىق كەڭەس مۇشەلەرى قاتىستى.
دەپۋتاتتار مەن قوعامدىق كەڭەس مۇشەلەرى مەملەكەت باسشىسى ىشكى ىستەر ورگاندارى مەن ىشكى ىستەر مينيسترلىگىنىڭ الدىنا قويىلعان پوليتسيانىڭ سەرۆيستىك مودەلىن ەنگىزۋ جانە وڭىردە تسيفرلاندىرۋدى دامىتۋ جونىندەگى مىندەتتەردىڭ ىسكە اسىرىلۋ بارىسىمەن تانىستى.
وبلىستىق پد باستىعىنىڭ مىندەتىن اتقارۋشى پوليتسيا پولكوۆنيگى ق.اليەۆ قاتىسۋشىلارعا وبلىستاعى كريمينوگەندىك جاعدايدىڭ جاي-كۇيى تۋرالى، سونداي-اق ءىىم جۇيەسىندە جۇرگىزىلىپ جاتقان رەفورما شەڭبەرىندە قابىلدانىپ جاتقان شارالار تۋرالى باياندادى.
— قازىرگى ۋاقىتتا ءىىم جۇيەسىندە ۇيىمدىق-شتاتتىق قۇرىلىمدى وڭتايلاندىرۋدان جانە ءتان ەمەس فۋنكتسيالاردى الىپ تاستاۋدان باستاپ، پوليتسيا قىزمەتكەرلەرىن الەۋمەتتىك قورعاۋدى جاقسارتۋعا دەيىنگى كەڭ اۋقىمدى رەفورما جۇرگىزىلىپ جاتىر. باستاپقى كەزەڭدە ءبىز 287 شتاتتىق بىرلىكتى قىسقارتتىق، 26 باسشىلىق لاۋازىمدى، سونداي-اق ارتىق باسقارۋ بۋىندارى مەن لاۋازىمداردى جويدىق.
جەرگىلىكتى پوليتسيا قىزمەتىنىڭ جۇيەسىن "سەرۆيستىك پوليتسيا" قاعيداتىمەن جەتىلدىرۋ جوباسى شەڭبەرىندە جاڭا تەتىكتەر، قۇرالدار مەن جۇمىس ادىستەرى ەنگىزىلۋدە. پوليتسيانىڭ سەرۆيستىك مودەلى — بۇل پوليتسيانىڭ، پروفيلاكتيكا سۋبەكتىلەرىنىڭ جانە جۇرتشىلىقتىڭ قاۋىپسىزدىك دەڭگەيىن جانە بيلىك ورگاندارىنا دەگەن سەنىمدى ارتتىرۋ ماقساتىندا قاۋىپسىزدىكتى قامتاماسىز ەتۋ پروبلەمالارىن شەشۋ جونىندەگى بىرلەسكەن قىزمەت. نەگىزگى اسپەكت — ازاماتتارعا پوليتسياعا قول جەتىمدىلىكتى بارىنشا جەڭىلدەتۋگە باعىتتالعان قادامدىق قول جەتىمدىلىك، — دەدى ق.اليەۆ.
ونىڭ ايتۋىنشا، بيىلعى جىلى وبلىس ورتالىعىندا 5 ستاتسيونارلىق پوليتسيا بەكەتى ورناتىلدى، وندا ازاماتتار تاۋلىكتىڭ كەز كەلگەن ۋاقىتىندا بارلىق سۇراقتار بويىنشا جۇگىنە الادى. سونداي-اق، ءبىز ەڭ كريمينوگەندىك ۋچاسكەلەردى انىقتادىق. ال جول كارتاسىن جۇزەگە اسىرۋ اياسىندا 5 جىل ىشىندە 12 ستاتسيونارلىق مودۋلدىك بەكەت پەن 16 ۋچاسكەلىك پوليتسيا پۋنكتىن سالۋ جوسپارلانعان. ءبىزدىڭ وبلىستا سەرۆيستىك مودەلدى ەنگىزۋ پروتسەسى بيىلعى جىلدىڭ ەكىنشى جارتىجىلدىعىنان باستالدى.
ماسەلەن، وبلىستىق پد الدىنا قويىلعان مىندەتتەردىڭ ءبىرى – بۇل پوليتسيا بولىمشەلەرىنىڭ ءۇي-جايلارىندا، اتاپ ايتقاندا ارنايى مەكەمەلەردە، ازاماتتاردى ۋاقىتشا ۇستاۋ بولمەلەرىندە، قارۋدى ساقتاۋ جانە بەرۋ بولمەلەرىندە، كەزەكشى بولىمدەردە، ءىشىنارا تەرگەۋشىلەر مەن انىقتاۋشىلاردىڭ كابينەتتەرىندە جاپپاي بەينەباقىلاۋ جۇيەسىن ەنگىزۋ. بۇگىنگى تاڭدا 979 بەينەكامەرا ورناتىلعان.
ودان ءارى حالىق جەدەل باسقارۋ ورتالىعىنىڭ جۇمىسىمەن تانىستى، ولارعا تەلەفونداعى قوسىمشانىڭ كومەگىمەن قىلمىستار مەن وقيعالار تۋرالى بەينە حابارلاما جىبەرۋگە بولاتىن "ومنيكانالدىلىق" جۇيەسىنىڭ جۇمىسى كورسەتتىلدى. قانات اليەۆ دەپۋتاتتاردى "ازاماتتارعا ارنالعان قابىلداۋ بولمەسىنە" وتكىزىپ، مودۋلدىك ستاتسيونارلىق بەكەت پەن ۋچاسكەلىك پوليتسيا پۋنكتىنىڭ جۇمىسىمەن تانىستىردى.
جالپى، وڭىردەگى جەدەل جانە قوعامدىق-ساياسي جاعداي تۇراقتى. جەكە قۇرام مەملەكەت باسشىسى مەن ىشكى ىستەر مينيسترلىگىنىڭ العا قويعان وڭىردەگى قۇقىقتىق ءتارتىپتى قامتاماسىز ەتۋگە، حالىقتىڭ سەنىم دەڭگەيىن ارتتىرۋعا جانە ازاماتتاردىڭ بارلىق وزەكتى ساۋالدارىنا جەدەل دەن قويۋعا باعىتتالعان. قوعامدىق ورىنداردا جانە كوشەلەردە رەتسيديۆتى، توپتىق، ماس كۇيىندە جاسالعان جانە كامەلەتكە تولماعاندار اراسىنداعى قىلمىستار ازايدى.
كەزدەسۋ سوڭىندا رۋسلان حامباروۆ جەرگىلىكتى اتقارۋشى ورگاندار قۇقىق قورعاۋ ورگاندارىن وزىق تەحنيكالىق قۇرالدارمەن جابدىقتاۋ بويىنشا جان-جاقتى كومەك كورسەتەتىنىنە سەنىم ءبىلدىردى.
"ادىرنا" ۇلتتىق پورتالى.
