2022 جىلى زەينەتكە شىعۋ جاسى 60 جاس 6 اي بولادى

6324
Adyrna.kz Telegram
ەلىمىزدە "ازاماتتارعا ارنالعان ۇكىمەت" مەملەكەتتىك كورپوراتسياسى زەينەتكەرلىككە شىعۋعا دايىندالىپ جاتقان ادامدارعا SMS-ەسكەرتۋلەر جىبەرىپ، قاجەتتى قۇجاتتاردى الدىن الا جيناۋعا شاقىرۋدا. سەبەبى كەلەر جىلى ايەلدەردىڭ زەينەتكە شىعۋ جاسى 60 جاس التى اي دەپ بەلگىلەنگەن دەپ حابارلايدى "ادىرنا" ۇلتتىق پورتالى قر ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتىنە سىلتەمە جاساپ.

سونىمەن الداعى ۋاقىتتا 1961 جىلدىڭ ەكىنشى جارتىسىندا دۇنيەگە كەلگەن ايەلدەر زەينەتاقى تولەمدەرىن تاعايىنداۋعا 2021 جىلدىڭ سوڭىنا دەيىن ءوتىنىش جاساۋعا ءتيىس. 2013 جىلى قابىلدانعان "قازاقستاندا زەينەتاقىمەن قامسىزداندىرۋ تۋرالى" زاڭنىڭ 11-بابىندا ايەلدەردىڭ زەينەتكەرلىك جاسى جىل سايىن 6 ايعا 10 جىل بويى 2027 جىلعا دەيىن ارتادى دەپ جازىلعان.

2021 جىلى ايەلدەردىڭ زەينەتكە شىعۋ جاسى 60 جاس بولعان. ەندى كەلەر جىلى 1 قاڭتاردان باستاپ زەينەتكە شىعۋ جاسى 60 جاس التى اي بولادى.

ءباسپاسوز قىزمەتى مالىمەتىنە سۇيەنسەك، 2021 جىلدىڭ ەكىنشى جارتىسىندا 60 جاسقا تولعان قازاقستاندىقتار جىل سوڭىنا دەيىن ءوتىنىش بەرىپ ۇلگەرمەيدى، كەلەسى جىلى ولارعا جارتى جىل كۇتۋگە تۋرا كەلەدى جانە 2022 جىلدىڭ شىلدەسىنەن كەيىن عانا زەينەتكە شىعا الادى.

ەڭبەك مينيسترلىگى ءوتىنىش بەرىلگەن كۇننەن باستاپ 10 جۇمىس كۇنى ىشىندە قارالاتىنىن ەسكەرتتى.

 

"ادىرنا" ۇلتتىق پورتالى.

پىكىرلەر