جىل سوڭىنا دەيىن شىمكەنت قالالىق تسيفرلاندىرۋ باسقاراماسى جەكە ينۆەستورلار تارتۋ ارقىلى 12000 نان استام حالقى بار ساۋلە جانە بادام تۇرعىن الابتارىنا وپتيكالىق جەلى ارقىلى تاراتىلاتىن ساپالى ينتەرنەتپەن 100 پايىز قامتاماسىز ەتىلدى.
قازىرگى تاڭدا «سپەتساۆتوماتيكاسەرۆيس» جشس ساۋلە، بادام-1 جانە قاراباستاۋ شاعىن اۋداندارىنىڭ ورتالىق كوشەلەرىنە ۇزىندىعى 20 شارشى مەتردى قامتيتىن ابونەنتتىك كابەل تارتىلدى.
جىل سوڭىنا دەيىن بارلىق كوشەلەرگە تالشىقتى وپتيكا جەلىسى تارتىلىپ، تۇرعىنداردى ساپالى ينتەرنەتپەن قامتۋعا تولىق مۇمكىندىك جاسالاتىن بولادى.
بۇگىنگى تاڭدا ورتالىق كوشەلەردەگى 100 دەن استام ءۇي 200 مبيت/سەك جىلدامدىقتا تارايتىن تالشىقتى وپتيكا جەلىسىنە قوسىلدى. تۇرعىندار كەڭ جولاقتى ينتەرنەتكە قوسىلۋ ءۇشىن ناقتى وتىنىمدەر بەرۋى قاجەت.
ساۋلە، بادام جانە قاراباستاۋ شاعىن اۋداندارىندا ساپالى ينتەرنەت تاراتۋ بويىنشا سوڭعى جۇمىستاردى اتقارىپ جاتقان كومپانيا كەلەسى 2022 جىلدىڭ قاڭتار ايىنان باستاپ قازىعۇرت، قۇرساي جانە زابادام ەلدى مەكەندەرىنە 100% تالشىقتى وپتيكا جەلىسىن جۇرگىزۋ جۇمىستارىن جوسپارلاۋدا.
شىمكەنت قالاسىنىڭ اقپاراتتىق-كوممۋنيكاتسيالىق ورتالىعىم
