14 жастағы қызды зорламақ болған зейнеткер ұсталды

2170
Adyrna.kz Telegram
https://adyrna.kz/content/uploads/2022/02/71ecda12-aa11-447d-a534-18703469d658.png
Алматы облысында 14 жастағы қыз балаға қысым жасап, арам ойын іске асырмақ болған күдікті ұсталды. Ол Алматы қаласының 62 жастағы тұрғыны болып шықты, - деп хабарлайды ”Адырна” ұлттық порталы "Алматы" арнасына сілтеме жасап. Аталған факт бойынша өтініш полицияға 15 ақпанда түскен. Қарасай ауданында жүргізілген жедел-іздестіру шаралары нәтижесінде күдікті деген ер адам ұсталды.
Облыстық полиция департаментінің мәліметінше, ол - Алматы қаласының 62 жастағы тұрғыны. Сондай-ақ оның жеңіл көлікті мас күйінде басқарғаны белгілі болды.
Қазір күдіктіге қатысты іс қозғалып, істің мән-жайы тергеліп жатыр.
"Автокөлікті мас күйінде басқарғаны үшін жүргізуші 15 тәулікке қамауға алынып, 7 жыл мерзімге жүргізуші куәлігінен айырылды. Сонымен қатар, ұсталған азаматқа қатысты ҚР ҚК 124-бабы бойынша қылмыстық іс тіркелді. Істің мән-жайын толықтай анықтау мақсатында тергеу әрекеттері жүргізіліп жатыр", - деді ПД баспасөз қызметінің ресми өкілі Әбілтай Әбенов.

“Адырна” ұлттық порталы

评论
其他材料