"Қазақ тілді аудиториямен жұмыс жүргізген жөн". Бұл туралы Мемлекет басшысы Қасым-Жомарт Тоқаев мәлімдеді.
«Мәдениетіміз әралуан екенін көрсететін ерекше ақпаратты әзірлеу қажет. Соның ішінде, қазақ тілді аудиториямен жұмыс жүргізген жөн. Қазақ тілді аудиторияның ауқымы кеңейіп жатыр. Бұл – жағымды, оң үрдіс. Қазақстанды дамытуға өзге этностардың қосып жатқан үлесін мемлекеттік тілде насихаттау маңызды. Біз осы бағытта жұмыс істейтін ақпарат құралдарын барынша қолдауымыз керек», -деп атап өтті Мемлекет басшысы Қазақстан халқы Ассамблеясының сессиясында.
"Адырна" ұлттық порталы
