Астанадағы University Medical Center (UMC) экс-президент Нұрсұлтан Назарбаевтің жүрегіне ота жасалғаны туралы ақпаратты жоққа шығармады, деп хабарлайды "Адырна" ұлттық порталы.
ҚазТАГ редакциясының хабарлауынша, журналистер жолдаған сауалға жауап берген UMC баспасөз қызметі бұған дейін БАҚ-та тараған мәліметтің «ескірген әрі өзектілігін жоғалтқанын» мәлімдеді.
«Қоғамды жаңылыстырмау үшін шындыққа сәйкес келмейтін немесе өзектілігін жоғалтқан ақпаратты таратудан бас тартуға шақырамыз», – делінген орталық жауабында.
Ал экс-президенттің жүрегіне жасалған операцияның нақты қашан өткені әзірге белгісіз.
Айта кетейік, 2023 жылы экс-президенттің жүрегіне жасалған отаның сәтті өткені туралы ақпарат тараған.
