Баку теңіз жағалауы бульвары жағалауында Баку шығанағының акваториясын тазарту жұмыстары белсенді түрде жалғасып жатыр. Бұл туралы Caliber.Az жазды, деп хабарлайды «Адырна» тілшісі.
Баку теңіз жағалауы бульвары басқармасының баспасөз қызметінің жетекшісі Афсана Мехдиеваның мәліметінше, жұмыстар аясында су бетінде жиналған мұнай төгінділері мен түрлі қалдықтарды тазарту шаралары жүргізілуде.
«Су бетіндегі мұнай және мазут қабықшалары арнайы жабдықтардың көмегімен жиналып жатыр. Тазарту жұмыстары бульвар басқармасы, Экология және табиғи ресурстар министрлігі, сондай-ақ Төтенше жағдайлар министрлігінің Каспийдегі авариялық-құтқару қызметі арасында жасалған тиісті келісімге сәйкес жүзеге асырылып жатыр»,– делінген хабарламада.
