Жапониядағы қазақ диаспорасының тыныс-тіршілігі, шетелде жұмыс істеу мүмкіндіктері мен қазақ жастарының болашағы туралы «Adyrna» порталының YouTube арнасындағы подкастта сөз болды. Студия қонағы – Adyrna Yumi қазақ-жапон қоғамдық қорының президенті Арайлым Хасан.
Сұхбат барысында ол Қазақстан Президентінің Жапонияға сапары кезінде өткен кездесуі туралы айтып, бұл оқиғадан кейін жапон қоғамының қазақтарға деген көзқарасы өзгергенін жеткізді. Сондай-ақ Жапонияда тұратын қазақтардың басын қосу, ұлттық іс-шаралар ұйымдастыру және диаспораның байланысын нығайту бағытындағы жұмыстарға тоқталды. Қонақ Жапонияға барып жұмыс істеуді жоспарлаған азаматтарға қажетті құжаттар мен талаптарды түсіндіріп, жұмысқа орналастыруды желеу еткен алаяқтардан сақ болуға шақырды.
Сұхбатты «Adyrna» порталының YouTube арнасынан көре аласыз.
