Қызылорда облысында жүк пойызы 11 қойды қағып кеткен, деп хабарлайды "Адырна" ұлттық порталы.
Оқиға Қызылорда облысының Жаңақорған ауданындағы № 26 разьезд аумағында болғаны анықталды.
«Оқиға барысында 11 бас қой поездың астына түскен. Жоспарланбаған пойыз тұрағы 10 минутты құрады. Тексеру барысында Қызылорда станциясындағы желілік полиция бөлімінің қызметкерлері қойлардың иесі 32 жастағы азаматты анықтады. Ер адам теміржолға бөлінген жолақта мал жаю ережесін бұзғаны үшін әкімшілік жауапкершілікке тартылды», - деп мәлім етті Қызылорда станциясындағы желілік полиция бөлімінен.
