Қазақстан президенті Қасым-Жомарт Тоқаев Мәскеуде Жеңістің 80 жылдығына орай өтетін шеруге қатысатынын мәлімдеді, деп хабарлайды "Адырна" ұлттық порталы Ақордаға сілтеп.
Бұл туралы президент Тоқаев Ресейдің премьер-министрі Михаил Мишустинмен кездесуінде айтты.
"Осы мүмкіндікті пайдаланып Ресей Президенті Владимир Путин сәлемімді жолдағым келеді. Ұлы Жеңістің 80 жылдығын тойлау барысында кездесеміз деп үміттенемін. Мен шақыруды қабылдадым. Біз елде осы тарихи күнмен байланысты күндері шаралар жоспарлап қойғанбыз. Бірақ ол шараларды 7-8 мамыр күндері өткізіп үлгереміз деп ойлаймын. Сол шараларды өткізе сала Мәскеуге ұшып кетемін", - деді президент.Сондай-ақ, бүгін Астанада премьер-министр Олжас Бектенов пен Михаил Мишустин кездесті. Үкімет басшылары сауда-саттық мәселелерін талқылады.
