АҚШ-та Балтимор зауытындағы қателікке байланысты коронавирусқа қарсы вакцинаның 60 миллион дозасы жойылады, деп хабарлайды «Адырна» тілшісі.
Елдің Азық-түлік және дәрі-дәрмектер басқармасы (FDA) Johnson & Johnson вакцинасының қолдануға жарамсыз екенін мәлімдеді. Ұйымның бұйрығымен Emergent BioSolutions компаниясы оны шығаруды тоқтатты. Өйткені препараттың компоненттері AstraZeneca вакцинасымен кездейсоқ араласып кеткен.
Айта кетейік, қазіргі таңда FDA Балтиморда шығарылған AstraZeneca-ның миллиондаған дозасын тексеріп жатыр.
«Адырна» ұлттық порталы
