Иранда 2025 жылы 1922 адам өлім жазасына тартылды, деп хабарлайды "Адырна" ұлттық порталы.
Бұл туралы Human Rights Activists News Agency ұйымы хабарлады.
Өлім жазасына тартылғандардың 1681-ы ер адам, 59-ы әйел және 2 кәмелетке толмаған адам бар. Бұл көрсеткіш 2024 жылмен салыстырғанда екі есеге жуық өсіп, соңғы 11 жылдың ең жоғары деңгейіне жеткен.
Ұйым есебіне сәйкес, көпшілігі өлім жазалары жасырын немесе ресми жарияланбай орындалған. Алайда, 10 өлім жазасы ашық түрде өткізілген. Сондай-ақ, 168 іс бойынша шығарылған өлім жазаларының бесеуі жария түрде орындалуы тиіс болған. Жалпы, 2025 жылы шығарылған өлім жазаларының саны өткен жылмен салыстырғанда 21,4% төмендеген.
Елде өлім жазасын адам өлтіру (47,55%) және есірткімен заңсыз айналысу (46,10%) айыптары бойынша қолданған. Сонымен қатар, өлім жазасы сексуалдық сипаттағы қылмыстар (1,66%), мемлекеттік және діни құрылымға қарсы қылмыстар (1,35%), қауіпсіздікке қатысты қылмыстар, соның ішінде тыңшылық, терроризм және терактілер (0,73%), «Құдайға қарсы әрекеттер» (0,68%), экономикалық қылмыстар (0,50%), қарулы тонау (0,50%) және «жерде жемқорлықты тарату» (0,16%) бойынша да қолданылған.
