Қытайдың Ханжчоу қаласында өтіп жатқан Азия ойындарында эстафеталық жүгіру сайысында Қазақстан құрамасы қола медаль жеңіп алды. Бұл туралы туризм және спорт министрлігі мәлімдеді, деп хабарлайды «Адырна» ұлттық порталы.
4×400 метрге эстафеталық жүгіру сайысында Қазақстан құрамасы Дмитрий Коблов, Александра Залюбовская, Давид Ефремов, Аделина Земс) Бахрейн мен Үндістаннан кейінгі 3-орынды иеленді. Естеріңізге салайық, 2018 жылы аралас эстафетадан спортышыларымыз күміс жүлде алған. Сонымен қатар Мария Бровкова байдаркада және каноэде есуден жекелей жарыстың WС1 200 м бағдарламасында қола медаль жеңіп алды. Ал ағайынды Сергей және Тимофей Емельяновтар Азия ойындарының күміс медалін жеңіп алды. Байдаркада және каноэде ескек есуден жұптық жарыстың MС2 1000 м бағдарламасында өнер көрсеткен отандастарымыз 3:49 уақыт көрсеткішімен 2-ші келді.«Адырна» ұлттық порталы.
