Qytaıdyń Hanjchoý qalasynda ótip jatqan Azııa oıyndarynda estafetalyq júgirý saıysynda Qazaqstan quramasy qola medal jeńip aldy. Bul týraly týrızm jáne sport mınıstrligi málimdedi, dep habarlaıdy «Adyrna» ulttyq portaly.
4×400 metrge estafetalyq júgirý saıysynda Qazaqstan quramasy Dmıtrıı Koblov, Aleksandra Zalıýbovskaıa, Davıd Efremov, Adelına Zems) Bahreın men Úndistannan keıingi 3-oryndy ıelendi.
Esterińizge salaıyq, 2018 jyly aralas estafetadan sportyshylarymyz kúmis júlde alǵan.
Sonymen qatar Marııa Brovkova baıdarkada jáne kanoede esýden jekeleı jarystyń WS1 200 m baǵdarlamasynda qola medal jeńip aldy. Al aǵaıyndy Sergeı jáne Tımofeı Emelıanovtar Azııa oıyndarynyń kúmis medalin jeńip aldy. Baıdarkada jáne kanoede eskek esýden juptyq jarystyń MS2 1000 m baǵdarlamasynda óner kórsetken otandastarymyz 3:49 ýaqyt kórsetkishimen 2-shi keldi.
«Adyrna» ulttyq portaly.
