5 jeltoqsan künı saǧat 12:00-de Qazaq sport jäne Turizm akademiiasynda Qazaqstan ūlttyq studentter sport odaǧynyŋ prezidentı Qairat Zakirianovtyŋ qatysuymen baspasöz mäslihaty öttı.
Mäslihatta ol 2026 jyly elımızde bokstan studentter arasynda älem chempionaty ötuı mümkın ekenın mälımdedı.
Alǧaş ret mūndai qūrylyqaralyq sport dodasy Qazaqstanda 2006 jyly ötken eken. Mıne, araǧa 20 jyl salyp, elımız osy chempionatty qaita ötkızuge niet tanytyp otyr.
Būl mäsele 28 qaraşada Qytaidyŋ Makao qalasynda Aziia universitetık sport federasiiasynyŋ Bas Assambleiasynda Halyqaralyq universitetter sport federasiiasy tarapynan aldaǧy älem chempionatyn Qazaqstanda ötkızu turaly ūsynysynan keiın tuyndaǧan.
«Būl ırı sport ūiymdary elımızde bokstyŋ damuyna nazar audara kele, Qazaqstanǧa ülken senım artyp otyr», - dedı Zakirianov.
Odan ärı, ol qazırgı älemde Boks Federasiialary arasynda bolyp jatqan köpşılıkke beimälım bırşama mäseleler turaly aitty.
«Qazır Halyqaralyq olimpiada komitetı men AIBA arasynda şielenıstı jaǧdai ornady. Olimpiada komitetı 2019 jyly ony Olimpiadaǧa qatystyrudan şettedı. Būl älemdık bokstyŋ damuyna köptegen kedergıler tuǧyzuda. Būl ūiymnyŋ jetekşılıgıne 2020 jyly Resei käsıpkerı Umar Kremlev taǧaiyndalǧan. Bıraq, 2022 jylǧy Reseidegı saiasi jaǧdailarǧa bailanysty ekı arada qaişylyq tuyndaǧan. Sondyqtan studentter arasyndaǧy bokstan ötetın kelesı chempionat otandasymz Gennadii Golovkin basqaratyn World Boxing Halyqaralyq ūiymynyŋ ötkızıluı mümkındıgı qarastyryluda», - dedı spiker.
Sonymen qatar, Makaoda 2029 jyly Bükılälemdık qysqy Universiada oiyndaryn Qazaqstanda ötkızu ūsynylǧan. Būl älemdık sportta bızdıŋ elge degen senımnıŋ joǧary ekenınıŋ belgısı.
«Osy chempionatty ötkızudıŋ elımızge paidasy bar ma?» degen sūraqqa mynadai jauap berıldı:
-
Jaŋadan aşylǧan World Boxing Halyqaralyq ūiymynyŋ aldynda Qazaqstannyŋ bedelı artatyn bolady;
-
Älemdık bokstyŋ ortalyǧynyŋ bırı retınde elımızdıŋ halyqaralyq statusyn bekıtedı;
-
Būqaralyq sportty damytuǧa yqpal etedı;
-
Jaŋa talanttarǧa jol aşady;
-
Qazaqstandyq jäne älem universitetterı arasyndaǧy jan-jaqty bailanysty arttyrady;
-
Turizm salasyna oŋdy yqpal etedı;
-
Elımızdegı sport ǧimarattaryn halyqaralyq standarttarǧa sai etuge yqpalyn tigızedı.
Osy tūrǧyda, Qairat Zakirianov 2025 jyly 15 qaraşada Ortalyq Aziia universitetterınıŋ Boks Federasiiasyn aşu turaly şeşım qabyldanǧanyn atap öttı. Onyŋ maqsaty – Ortalyq Aziia elderı boksşylarynyŋ öz chempionattaryn ötkızuı jäne nyǧaiyp kele jatqan Türkıtıldes memleketter arasyndaǧy yntymaqtastyqqa yqpal etu.
Jaŋa erejede «Ortalyq Aziia memleketterı» qataryna Äzerbaijan men Moŋǧoliia memleketterınıŋ universitetterı de qosylady eken. Būny, ärine, erekşe atap öterlık oŋdy şeşım dep sanauǧa bolady.
«Būl chempionatty ötkızu turaly ūsynys Qazaqstan Olimpiada Komitetı men Almaty qalasy äkımdıgı tarapynan qoldau tabady degen oidamyz», - dedı Qairat Zakirianov öz oiyn optimistık sarynda tüiındep.
«Bastaǧan ısterıŋız sättı bolsyn» dep jinalǧan qauym tılektestık bıldırdı.
Äbdıraşit Bäkırūly
