Telegram negızın qalauşy Pavel Durov Astanada ötken jasandy intellekt boiynşa halyqaralyq IOAI 2026 olimpiadasynyŋ jüldegerlerıne berıletın syiaqylar turaly mälımdedı. Jülde qorynyŋ jalpy qūny 106,5 myŋ dollardan asady, dep habarlaidy «Adyrna» tılşısı.
Aituynşa, Telegram kompaniiasy jarys ūiymdastyruşylarymen bailanysqa şyqqan. Jeŋımpazdarǧa syiaqylar kelesı aptada qauıpsız täsılmen tabystalmaq.
«Jeke esepte ekınşı oryn alǧan qazaqstandyq Daujan Beketov üşın quanyştymyn. Bız ūiymdastyruşylarmen bailanysyp, kelesı aptada Telegram atynan jeŋımpazdarǧa syilyqtardy tabystaudy josparlap otyrmyz», – dep jazdy ol jelıdegı paraqşasynda.
Eske salaiyq, jasandy intellekt boiynşa üşınşı halyqaralyq olimpiada 2–8 tamyz aralyǧynda Astanada ötken bolatyn. Oǧan älemnıŋ 106 elınen 500-den astam oquşy qatysqan.
Būǧan deiın Qazaqstan qūramasynyŋ segız müşesı de IOAI 2026 olimpiadasynda medalǧa ie bolǧanyn jazǧan edık.
