Dańqty bapker Serik Ábdenálıev dúnıeden ozdy

1668

Qazaq boksy orny tolmas qazaǵa ushyrady. Qazaqstannyń sport ardageri, aty ańyzǵa aınalǵan boksshy, Qazaqstan Respýblıkasynyń eńbek sińirgen jattyqtyrýshysy, halyqaralyq dárejedegi tóreshi Serik Ábdenáliuly Ábdenálıev qaıtys boldy, dep habarlaıdy adyrna.kz.

Bul týraly búgin boksshy Muhtarhan Dildábekov óziniń facebook paraqshasynda jazdy.

"Bokstan Qazaqstan quramasynyń burynǵy bas bapkeri Serik Ábdenálıev dúnıeden ozdy.
Serik aǵamyz ómirin boksqa arnaǵan jan.
Ózi boksshy retinde birneshe ret el chempıonatynda top jaryp, Qazaqstannyń bas jattyqtyrýshy retinde de qurama komandasynyń jetistikteri jetkilikti, sonyń ishinde bizdiń boksshylar Atlanta olımpıadasynda tórt medal jeńip alǵan. Sonymen qatar, Sıdneı olımpıadasynda boks jarystaryna tórelik etken birinshi qazaqstandyq tóreshi retinde tanyldy.
Serik aǵamyzdyń otbasyna, jaqyndaryna qaıǵyryp kóńil aıtamyn. Imany salamat bolsyn..." dep jazǵan.

Pikirler