قازاق بوكسى ورنى تولماس قازاعا ۇشىرادى. قازاقستاننىڭ سپورت ارداگەرى، اتى اڭىزعا اينالعان بوكسشى، قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى، حالىقارالىق دارەجەدەگى تورەشى سەرىك ابدەنالىۇلى ابدەناليەۆ قايتىس بولدى، دەپ حابارلايدى adyrna.kz.
بۇل تۋرالى بۇگىن بوكسشى مۇحتارحان دىلدابەكوۆ ءوزىنىڭ facebook پاراقشاسىندا جازدى.
"بوكستان قازاقستان قۇراماسىنىڭ بۇرىنعى باس باپكەرى سەرىك ابدەناليەۆ دۇنيەدەن وزدى.
سەرىك اعامىز ءومىرىن بوكسقا ارناعان جان.
ءوزى بوكسشى رەتىندە بىرنەشە رەت ەل چەمپيوناتىندا توپ جارىپ، قازاقستاننىڭ باس جاتتىقتىرۋشى رەتىندە دە قۇراما كومانداسىنىڭ جەتىستىكتەرى جەتكىلىكتى، سونىڭ ىشىندە ءبىزدىڭ بوكسشىلار اتلانتا وليمپياداسىندا ءتورت مەدال جەڭىپ العان. سونىمەن قاتار، سيدنەي وليمپياداسىندا بوكس جارىستارىنا تورەلىك ەتكەن ءبىرىنشى قازاقستاندىق تورەشى رەتىندە تانىلدى.
سەرىك اعامىزدىڭ وتباسىنا، جاقىندارىنا قايعىرىپ كوڭىل ايتامىن. يمانى سالامات بولسىن..." دەپ جازعان.
