Bokstan İndoneziianyŋ Djakarta qalasynda ötıp jatqan U19 jäne U23 jas sanatyndaǧy Aziia chempionatynda finaldyq jekpe-jekter bastaldy. Būl turaly Ūlttyq olimpiadalyq komitet jazdy, dep habarlaidy «Adyrna» tılşısı.
Bügın, 15 şıldenıŋ kündızgı sessiiasynda U19 sanatynda äielder arasynda aqtyq bäsekeler öttı. Nätijesınde üş otandasymyz altyn medal jeŋıp aldy.
Kamila Ospanova 70 kelıge deiıngı salmaqtyŋ aqtyq synynda Maftuna Iаngievany (Özbekstan) jeŋdı. 80 kelıge deiıngı salmaqta Aidana Ubaidullaqyzy finalda ündıstandyq Megha Şeokandty tıze büktırdı. Al Zarina Tolybai 80 kelıden joǧary salmaqta Ündıstan ökılı Prachi Tokastan basym tüstı.
Osylaişa U19 jas sanatynda Qazaqstan qūramasynyŋ qorjynynda üş altyn, bes qola medal bar.
Būǧan deiın Madira Jūmaqan (48 kelıge deiın), Edıge Nūrǧoja (55 kelıge deiın), Aqnūr Tūrsynǧali (57 kelıge deiın), Aisūlu Mūhit (65 kelıge deiın), Jalǧas Utebekov (90 kelıge deiın) jarysty qola medalmen aiaqtaǧan edı.
Aita keteiık, keşkı sessiiada U23 jas sanatynda äielder arasynda aqtyq jekpe-jekter ötedı. Al erteŋ, 16 şıldede erler arasynda jüldeler sarapqa salynady.
