Boksşy Aida Satybaldinova Qazaqstan äielder qūramasynda qyzdar dästürlı emes seksualdy qarym-qatynasta bolyp jürgenderın jasyrmady, dep habarlaidy “Adyrna” ūlttyq portaly.
Aida Satybaldinova öz Instagram jelısınde video-ündeu jasap, ūlttyq qūrama sapyndaǧy boksşy qyzdardyŋ dästürlı emes seksualdy qarym-qatynasty ūstanatynyn jaiyp saldy. Būl sūmdyqty bapkerlerdıŋ özderı şäkırt miyna sanaly türde üiretıp jatqanyn tılge tiek ettı.
«Bapkerler de, basşylar da mūnyŋ bärın bıledı. Bıraq, bärıne köz jūma qaraidy», degen Aida Satybaldinova äielder qūramasyndaǧy jaǧdaidy tüsındırdı.
Aidanyŋ aituynşa, är bapkerdıŋ qalauy şäkırtıŋ Olimpiada oiyndarynyŋ jeŋımpazy atandyru. Alaida, qyzdardyŋ ömırı özgerıp ketuı 1-aq minut. “Tūrmysqa şyǧamyn nemese aiaǧym auyr” dep boksty tastap ketedı. Sol sebeptı bapkerler osyndai amaldardy qoldanyp jatyr.
«Būl bapkerler üşın tiımdı emes. Qanşa jyl şäkırtı üşın baryn salady, al olar boksty tastap kete barady. Sol üşın boksşy qyzdardy sportta ūstap qalu üşın, jattyǧu kezınde, jarys kezınde bır-bırın jaqsy körıp qaluy üşın barynşa yntalandyrady, sonyŋ jolyn qarastyrady. Ärine, ärkımnıŋ jeke ömırı bar. Kımdı süise de, ärkım özı bıledı. Bıraq, men mūndaidy öskeleŋ ūrpaqtyŋ boiyna sanaly türde sıŋıruge qarsymyn. Bıraq osylai bolyp jatyr. Menıŋşe, būǧan eŋ aldymen bapkerler kınälı. Olar şäkırtterıne dūrys ideologiia jürgızuı kerek. Bıraq olar bas paidasy üşın osyndai äreketke baryp otyr. Olardy qyzdardyŋ bolaşaǧy, aldaǧy taǧdyry alaŋdatyp otyrǧan joq», - deidı boksşy.
”Adyrna” ūlttyq portaly
Ūqsas jaŋalyqtar
