Qazaqstanda üşınşı atom elektr stansiiasyn salu üşın Şyǧys jäne Batys Qazaqstan öŋırlerındegı bırneşe alaŋ qarastyrylyp jatyr, dep habarlaidy “Adyrna”.
Būl turaly atom energiiasy agenttıgınıŋ töraǧasy Almasadam Sätqaliev aitty.
Onyŋ sözınşe, aldyn ala jürgızılgen zertteuler nätijesınde Şyǧys Qazaqstandaǧy Kurchatov qalasy men Batys Qazaqstandaǧy aumaqtar äleuettı oryn retınde anyqtalǧan.
«Batys Qazaqstanda atom elektr stansiiasy reaktoryn paidalanu boiynşa bıregei täjıribe bar. Al Kurchatov – atom salasynyŋ mamandary şoǧyrlanǧan qala. Mūnda qajettı qūzyretterdıŋ barlyǧy bar», – dedı agenttık basşysy Qūryltaidyŋ ekonomikalyq saiasat, önerkäsıp jäne energetika komitetınıŋ otyrysynda.
Qazırgı uaqytta quaty 300-den 600 megavatqa deiıngı ortaşa quatty stansiialardyŋ tehnologiialary qarastyrylyp jatyr. Mūndai nysandar elektr energiiasyn öndırumen qatar, jylumen jabdyqtau jäne sudy tūşylandyru mümkındıkterıne de ie.
Eske salaiyq, biyl qyrküiekte Qazaqstandaǧy alǧaşqy AES – «Balqaş» stansiiasyn salu turaly kelısımşartqa qol qoiyldy. Qūjatqa «Qazaqstan atom elektr stansiialary» JŞS men «Rosatom» memlekettık korporasiiasynyŋ enşıles käsıporny «Atomstroieksport» AQ qol qoiǧan. Alǧaşqy stansiia Almaty oblysynyŋ Ülken auylynda boi köteredı.
Ekınşı atom elektr stansiiasyn («Moiynqūm») Jambyl audanynda salu josparlanyp otyr. Joba boiynşa bas merdıger retınde Qytaidyŋ CNNC kompaniiasy qarastyryluda. Üşınşı AES qūrylysyna da osy kompaniia tartyluy mümkın. Alaida būl jönınde äzırge resmi şeşım qabyldanǧan joq.
