AQŞ-tyŋ bırneşe ştatynda Hellouin merekesı kezınde bolǧan atystar saldarynan 24 adam qaza tauyp, 90-nan astam adam jaraqat aldy, dep habarlaidy "Adyrna" ūlttyq portaly The New York Times basylymyna sıltep.
Delaver ştatynyŋ gubernatory Mett Meier qaruly zorlyq-zombylyqty qalypty jaǧdai retınde qabyldauǧa bolmaitynyn aitty.
«Būl – qalypty jaǧdai emes. Bız qaruly zorlyq-zombylyqty eşqaşan ömırımızdıŋ ajyramas bölıgı retınde qabyldamauymyz kerek», – dedı ol.
Oqiǧalardyŋ bırı Tehas ştatyndaǧy Dallas qalasynda bolǧan. Deep Ellum audanynda bır jarym saǧatqa jetpeitın uaqyt ışınde üş ret atys bolyp, kemınde tört adam qaza tapty. Taǧy 15 adam jaraqat aldy. Florida ştatynyŋ Djeksonvill qalasynda bolǧan ekı bölek atys saldarynan ekı adam köz jūmyp, 11 adam jaraqattandy. Al Kaliforniia ştatynda Spirit Halloween kostiumder dükenınde oq atylyp, jüktı äiel qaza tapty. Taǧy alty adam jaraqat aldy.
Delaver ştatynda bır saǧattan astam uaqyt ışınde ekı jappai atys tırkelgen. Ellendeil qalasynda 17 jastaǧy qyz qaza tauyp, segız adam jaraqat alsa, Niuark qalasynda alty adam zardap şekken.
Būdan bölek, Michigan, Kanzas, Tehas, İllinois, İndiana, Arkanzas jäne Missisipi ştattarynda da atys oqiǧalary bolǧan.
Sondai-aq 1 qaraşada Alabama ştatynyŋ Birmingem qalasyndaǧy Legion Field stadiony maŋynda atys bolyp, bır adam qaza tapty. Taǧy segız adam jaraqat aldy.
Osy oqiǧadan keiın qalalyq polisiia departamentı Magic City Classic sporttyq jarysynyŋ 85-şı jyl saiynǧy ıs-şaralaryna qatysty barlyq şarany uaqytşa toqtatqan. Qūqyq qorǧau organdary tūrǧyndarǧa stadion maŋyna barmaudy eskertken.
Qazır Birmingemdegı atystyŋ män-jaiy belgısız.
