Qazaqstannyŋ vise-prezidentı, Abai atyndaǧy ädebiet pen öner salasyndaǧy memlekettık syilyqty beru jönındegı komissiia töraǧasy Erlan Qarin biyl syilyqtyŋ eşkımge berılmeu sebebın tüsındırdı. Būl turaly ol äleumettık jelıdegı paraqşasynda jazdy, dep habarlaidy “Adyrna”.
Erlan Qarinnıŋ aituynşa, konkursqa ūsynylǧan ümıtkerlerdıŋ barlyǧy – ūlttyq ruhaniiattyŋ damuyna üles qosyp jürgen belgılı tūlǧalar. Alaida memlekettık syilyq naqty adamnyŋ bedelıne emes, onyŋ şyǧarmasyna berıluı kerek.
"Konkursqa tüsken ümıtkerlerdıŋ barlyǧyn syilaimyz, qūrmetteimız. Olar töl ruhaniiattyŋ damuyna ülken üles qosyp kele jatqan belgılı tūlǧalar. Özım de bırqataryn jeke tanimyn. Bıraq Memlekettık syilyq – tūlǧaǧa emes, tuyndyǧa berıletın syilyq. Osynyŋ arajıgın ajyratyp alǧan dūrys. Ataqty bıreuge ūnau nemese jaǧu üşın, renjıp qalmasyn degen sebeppen beretın bolsaq, öner odan damymaidy, būl ataqtyŋ märtebesı artpaidy", – dep jazdy Erlan Qarin.
Onyŋ sözınşe, būl mäselede tärtıp üstem boluy tiıs. Ūsynylǧan tuyndylardyŋ barlyǧy dauysqa salynǧanymen, dauys beru qorytyndysy boiynşa bırde-bır jūmys Komissiia müşelerınıŋ aiqyn basym dauysyna ie bolmaǧan. Kerısınşe, jūmystardy qoldamaǧandar men qalys qalǧandardyŋ ülesı basym boldy.
"Mysaly, 2023 jyly gumanitarlyq ǧylymdar salasyndaǧy A.Baitūrsynūly atyndaǧy memlekettık syilyq laiyqty jūmystardyŋ joqtyǧyna bailanysty berılgen joq. Sondyqtan konkurs bolǧasyn onyŋ nätijesı de ärtürlı boluy mümkın, ony dūrys qabyldau kerek. Otyrystyŋ soŋynda Abai atyndaǧy memlekettık syilyqqa tūtastai reforma kerek ekenı aityldy. Būl pıkırdı keşelı berı jelı qoldanuşylary da qoldap jazuda. Şynynda da, memlekettık syilyqty beru tärtıbı qazırgı kezeŋnıŋ talaptaryna säikes kelmeidı. Syilyqtyŋ talap, tärtıbı ǧana emes, mazmūny men sipaty da özgeruı kerek. Mysaly, älemdegı eŋ bedeldı Nobel syilyǧy 50 ne 70 jasqa tolǧany üşın emes, jaŋalyq pen jaŋaşyldyq üşın berıledı. Sol siiaqty Abai atyndaǧy memlekettık syilyqty mereitoi iesıne, ümıtkerdıŋ materialdyq jaǧdaiyna jäne basqadai sebepterge bailanysty ūsynu jalpy dūrys emes. Sondyqtan, memlekettık syilyq tärtıbı men erejesıne ülken özgerıs engızemız", – dedı Erlan Qarin.
Aita keteiık, 2000 jyldardan berı Abai atyndaǧy memlekettık syilyq 60-qa juyq adamǧa berılgen.
