Prezident Qasym-Jomart Toqaev elımızdı alda auqymdy reformalar men Jaŋa Qazaqstan qūrylysy kütıp tūrǧanyn aitty. Memleket basşysy Almatyda Nauryz merekesıne arnalǧan qūttyqtau sözınde Ekınşı Respublika turaly aitty, dep habarlaidy "Adyrna" ūlttyq portaly.
Memlekettık hatşy Erlan Qarin Toqaevtyŋ qūttyqtau sözınde «Ekınşı Respublika» degen sözdıŋ nenı bıldıretının tüsındırdı.
Qarin «Ekınşı Respublika» jäne «Jaŋa Qazaqstan» ūǧymdarynyŋ män-maǧynasy bır, tek ekpınımen ǧana erekşelenetının atap öttı. Jaŋa Qazaqstan – jalpy el bolaşaǧynyŋ beinesı. Bız äleumettık qūndylyqtardy jaŋartyp, ūlttyŋ jaŋa sapasyn qalyptastyru qajettılıgı turaly aityp otyrmyz.
Tiısınşe, būl qaŋtar oqiǧasynan keiın nemese Joldaudan keiın bız avtomatty türde Jaŋa Qazaqstanda tūra bastadyq degendı bıldırmeidı. Elbasy «Jaŋa Qazaqstan» tūjyrymdamasyn alǧa tarta otyryp, taiau bolaşaqta memleket qūrudyŋ jaŋa maqsatyn belgıledı. Jaŋa Qazaqstannyŋ qūrylysy bır sätte, bır tünde boluy mümkın emes. Būl äleumettık transformasiianyŋ tereŋ jäne ūzaq prosesı. Erlan QarinQarin Toqaevtyŋ superprezidenttık basqaru türınen küştı parlamentı bar prezidenttık respublikaǧa tüpkılıktı köşu jönındegı bastamalaryn eske saldy. Konstitusiianyŋ 30-dan astam babyna jäne 20 zaŋǧa özgerıster engızıledı dep kütılude.
Sondyqtan, jalpy alǧanda, memlekettık basqaru modelınıŋ özgeruınıŋ bastaluy turaly ǧana emes, memlekettık jäne qoǧamdyq damu paradigmasynyŋ özgeruı turaly da aituǧa bolady. Al bügınde būl prosestı naqtyraq körsetu üşın prezident «Ekınşı respublika» degen termindı qoldandy. Onyŋ üstıne, Memleket basşysy alǧa qoiǧan saiasi reformalardy jüzege asyru biylǧy jylǧa josparlanǧandyqtan, Ekınşı Respublika qazırdıŋ özınde öte jaqyn jäne naqty maqsat bolyp tabylady. Erlan QarinMemlekettık hatşy Jaŋa Qazaqstan – qoǧam men ūlttyŋ jaŋaruy, al Ekınşı Respublika – memlekettık ülgınıŋ jaŋaruy dep tüiındedı.
"Adyrna" ūlttyq portaly
Ūqsas jaŋalyqtar
