Búgin - Nazarbaev alǵash ret prezıdent retinde ant bergen kún, dep habarlaıdy "Adyrna" tilshisi.
Osydan 32 jyl buryn Nursultan Nazarbaev alǵash ret prezıdent retinde ant bergen.
Prezıdent saılaýynyń nátıjesi
1990 jyly Qazaq KSR-iniń «Qazaq KSR Prezıdenti qyzmetin bekitý jáne Konstıtýııaǵa (Negizgi zań) ózgertýler men tolyqtyrýlar engizý týraly» Zańy, Qazaq KSR Joǵarǵy Keńesiniń «Qazaq Keńes Soıalıstik Respýblıkasynyń Prezıdenti týraly» Jarlyǵy qabyldandy.
Sol jyldyń 24 sáýirinde joǵarǵy Keńeste zań qabyldaǵannan keıin, Prezıdentti saılaýda jasyryn daýys berýge qatysqan 335 depýtattyń 317-si Nazarbaevty qoldap, 18-i qarsy daýys bergen. Daýys berýdiń nátıjesinde Qazaqstannyń tuńǵysh prezıdenti bolyp Nursultan Ábishuly Nazarbaev saılandy.
Prezıdent óz qyzmetine kiristi
Al 1991 jyly 10 jeltoqsanda "Qazaq Keńestik Soıalıstik Respýblıkasynyń ataýyn ózgertý týraly" Qazaq KSR Zańymen Qazaq KSR Qazaqstan Respýblıkasy bolyp qaıta ataldy.
QR Joǵarǵy Keńesi "Qazaqstan Respýblıkasy Prezıdentiniń qyzmetke kirisýi týraly" qaýly qabyldady, oǵan sáıkes N. Á. Nazarbaev 1991 j. 10 jeltoqsannan bastap QR Prezıdenti qyzmetine kiristi dep esepteldi.
1991 jyly ótken prezıdent saılaýynda kandıdat retinde Nursultan Nazarbaev tirkeldi. Saılaý qorytyndysy boıynsha eks-prezıdent 98,8% daýys jınap, QR Prezıdenti atandy.
Respýblıka ataýy ózgertildi
Sol ýaqytta jarııalanǵan Qazaq KSR Joǵarǵy Keńesi «Qazaq Keńestik Soıalıstik Respýblıkasynyń ataýyn ózgertý týraly» Zańǵa sáıkes jańa qurylǵan táýelsiz memleket Qazaqstan Respýblıkasy dep ataldy.
Dál osy kúni Nursultan Nazarbaevty Memleket basshysy retinde ulyqtaý rásimi ótti.
