Prezident Qasym-Jomart Toqaev jyl basynan qyzmetın bastaǧan Konstitusiialyq Sottyŋ jaŋa äkımşılık ǧimaratyna baryp, taǧaiyndalǧan sudialarmen kezdestı. Būl turaly Aqordanyŋ baspasöz qyzmetı habarlady, dep jazady "Adyrna" ūlttyq portaly.
Memleket basşysy Konstitusiialyq Sot el ömırınde airyqşa röl atqaratyn organ ekenın atap ötıp, būǧan deiın 27 jyl boiy tabysty jūmys ıstegen Konstitusiialyq Keŋes müşelerıne jäne onda är kezeŋde eŋbek etken qyzmetkerlerge alǧys aitty.
– Bügınde Qazaqstan jaŋa däuırge qadam basty, būryn-soŋdy bolmaǧan bıregei saiasi reformalar jüzege asyryldy. Qazırgı taŋda düniejüzınde däl osyndai auqymdy, mazmūndy reformalar jasap jatqan el bıren-saran. Būl – aqiqat. Mūny bükıl älem moiyndap otyr. Qazaqstan reformator memleketke ainaldy. Jalpy, elımızde köptegen özgerıs bolyp jatyr. Azamattardyŋ konstitusiialyq qūqyǧyn qorǧauǧa basa män berılıp otyr. Būl jūmysqa qoǧam ökılderı belsene qatysuǧa yntaly. Sondyqtan men Konstitusiialyq Sot qūru turaly bastama köterdım. Azamattarymyz jalpyhalyqtyq referendumda osy jäne basqa da ūsynystarǧa qoldau bıldırdı, – dedı Prezident.
Memleket basşysy Konstitusiialyq Sot barlyq zaŋdar men zaŋǧa säikes aktılerdıŋ Konstitusiiaǧa säikestıgın qamtamasyz etuge tiıs ekenıne toqtaldy.
– Şyn mänınde, Konstitusiialyq Sot – elımız üşın öte maŋyzdy institut. Endı azamattarymyz Konstitusiiaǧa qaişy keletın normalardy zaŋsyz dep tanu üşın Konstitusiialyq sotqa tıkelei özderı şaǧymdana alady. Sonymen qatar Bas prokuror jäne Adam qūqyqtary jönındegı uäkıl de Konstitusiialyq Sotqa jügınuge qūqyǧy bar. Jalpy, Prokuratura, Sot, qūqyq qorǧau organdarynyŋ jūmysyna qoiylatyn talap aitarlyqtai küşeiedı. Konstitusiialyq Sot deputattardyŋ jäne Ükımettıŋ zaŋ şyǧaru jūmysyna oŋ yqpal etedı. Bır sözben aitqanda, Konstitusiialyq Sot adam qūqyqtaryn qorǧau jüiesınıŋ basty tıregıne ainalady, – dedı Qasym-Jomart Toqaev.
Memleket basşysy qoǧam Konstitusiialyq Sottyŋ qyzmetınen oŋ özgerıster kütıp otyrǧanyn, qazylardyŋ öz mındetın adal atqaruy halyqtyŋ, BAQ pen halyqaralyq qūrylymdardyŋ jıtı nazarynda bolatynyn eske saldy.
– Qazylardyŋ osy qūramy memlekettık maŋyzy zor mındetterın tabysty atqaryp, qoǧam men azamattardyŋ ümıtın aqtaidy dep sanaimyn. Konstitusiialyq Sot qūramyna belgılı qūqyqtanuşy ǧalymdar men türlı salada köp jyldyq täjıribesı bar zaŋgerler kırdı. Nätijesınde teoriia men täjıribe ūştasty. Konstitusiialyq Sot töraǧasy Elvira Azimova ūzaq uaqyt boiy ädılet organynda qyzmet ettı, adam qūqyǧyn qorǧau mäselelerımen ainalysty, sondai-aq halyqaralyq arenada memleket müddesın qorǧady. Onyŋ būl täjıribesı jaŋa salada zor paidasyn tigızedı. Konstitusiialyq Sot qyzmetınıŋ normativtık bazasy men erejelerın äzırleu boiynşa auqymdy jūmys atqaryldy. Endı Konstitusiialyq Sottyŋ qyzmetı barysynda qajettıgıne qarai būl bazany jetıldıru kerek bolatyn şyǧar. Jalpy, jaŋadan qūrylǧan institut el aumaǧynda Ata zaŋnyŋ üstemdıgın qamtamasyz etuı üşın barlyq jaǧdai jasaldy, – dedı Prezident.
Memleket basşysynyŋ aituynşa, zaŋ üstemdıgı qaǧidatynyŋ myzǧymastyǧy elımızdegı saiasi reformalardyŋ özegı sanalady. Jürgızılıp jatqan reformalardyŋ sany jaǧynan, eŋ bastysy, mazmūny men sapasy tūrǧysynan Qazaqstan älemde köşbasşy elderdıŋ qataryna kıretını sözsız.
– Şyn mänınde, tek byltyr atqarylǧan jūmystar bızdıŋ qoǧamdaǧy özgerısterdıŋ auqymy men tereŋdıgı turaly oŋ äser qaldyrmauy mümkın emes. Qazaqstan memleket retınde aitarlyqtai jaŋǧyrdy. Būl derektı älemdık qoǧamdastyq aşyq moiyndady. Oǧan köptegen halyqaralyq bailanys pen eŋ joǧary deŋgeidegı kezdesuler dälel. Konstitusiialyq Sot Ädılettı Qazaqstannyŋ ainasy bolady desek, artyq aitqandyq emes, – dedı Qasym-Jomart Toqaev.
Memleket basşysy Jaŋa, Ädılettı Qazaqstannyŋ basty qaǧidaty – ädıldık ekenıne nazar audaryp, qazylardyŋ osy maŋyzdy mındettı abyroimen atqaratynyna senım bıldırdı.
– Halqymyz qara qyldy qaq jarǧan qazylarǧa erekşe qūrmetpen, syilastyqpen qaraidy, «tura bide tuǧan joq» dep sudialarǧa zor ümıt artady. Ärbır şeşım Ata zaŋǧa säikes qabyldanuǧa tiıs. Öitkenı būl, eŋ aldymen, elımızdıŋ taǧdyryna yqpal etetın şeşımder bolmaq, – dedı Prezident.Öz kezegınde Konstitusiialyq Sot Töraǧasy Elvira Azimova Memleket basşysyna jaŋa organ qyzmetınıŋ negızgı baǧyttary men mındetterı turaly baiandady. Sondai-aq Konstitusiialyq sot qoǧam sūranysy jäne memleket qajettılıgın öteu üşın aianbai eŋbek etetınıne senım bıldırdı.
"Adyrna" ūlttyq portaly
Ūqsas jaŋalyqtar
sot
#Toqaev
saiasat
Ädılettı qazaqstan
Prezident
sailau
konstitusiialyq sot
Qasym-Jomart Toqaev
Jaŋa Qazaqstan
