Memleket basshysy Qasym-Jomart Toqaev qazaqstandyqtardy Jeńis kúnimen quttyqtady. Bul týraly Aqorda jarııalady, dep habarlaıdy “Adyrna” ulttyq portady.
"Biz 9 mamyrda beıbit ómir men tynyshtyqty qorǵaý jolynda qurban bolyp, maıdan dalasynan qaıtpaı qalǵan batyrlarymyzdyń rýhyna taǵzym etemiz. Soǵys jáne tyl ardagerlerine sheksiz rızashylyq bildirip, aıryqsha qurmet kórsetemiz", - dedi Toqaev.
Ol sondaı-aq Qazaqstan adamzattyń ortaq jeńisine, jer betinde ádildik pen bostandyqtyń saltanat qurýyna ólsheýsiz úles qosqanyn atap ótti.
"Aǵa býynnyń Ekinshi dúnıejúzilik soǵys kezindegi erligi men eńbegi óskeleń urpaq úshin qaısarlyqtyń, janqııarlyqtyń jáne otanshyldyqtyń ozyq úlgisi bolyp qalatyny sózsiz. Búginde biz ultymyzdyń qaharman ul-qyzdarynyń arqasynda alańsyz eńbek etip, urpaq ósirip, jarqyn bolashaqqa qadam basyp kelemiz. Sol úshin olarǵa máńgi qaryzdarmyz. Eshkim de eshqashan umytylmaıdy!", - delingen prezıdent quttyqtaýynda.
