Qazaqstandaǧy «sopylyq» baǧyttaǧy zıkırşıler jamaǧatynyŋ jetekşısı İsmatulla Maqsūmǧa qatysty sotqa deiıngı tergeu bastaldy, dep habarlaidy «Adyrna» tılşısı Tizgin.kz-ke sılteme jasap.
Būǧan deiın bırqatar internet platformada sūhbat bergen bırqatar azamat İsmatulla Maqsūmnyŋ medresedegı jūmysy kezınde balalarǧa zorlyq-zombylyq körsetkenı turaly mälımdeme aitqan edı.
IIM mälımetınşe, jariialanymdarda keltırılgen aqparat boiynşa tergeu amaldary jürgızılıp jatyr. Onyŋ aiasynda ıstıŋ barlyq män-jaiy tekserıledı.
«Jariialanymdaǧy derekterge qatysty sotqa deiıngı tergeu bastaldy. Onyŋ aiasynda barlyq män-jai tekserıletın bolady. QPK-nıŋ 201-babyna säikes özge aqparat jariialauǧa jatpaidy», – delıngen ministrlıktıŋ jauabynda.
Qoǧamda rezonans tudyrǧan mälımdemelerden keiın Qazaqstan mūsylmandary dıni basqarmasy arnaiy mälımdeme jasap, İsmatulla Maqsūm men onyŋ jaqtastarynyŋ müftiiatqa eşqandai qatysy joq ekenın habarlaǧan bolatyn.
