Memleket basşysy Soltüstık Qazaqstan oblysyna jūmys saparymen bardy, dep habarlaidy "Adyrna" tılşısı Aqordaǧa sıltep.
Prezident Qasym-Jomart Toqaevtyŋ jūmys sapary barysynda Sergeevka su qoimasyn, Qyzyljar audanyn jäne Petropavl qalasynyŋ töŋıregın tıkūşaqpen aralady.
Soltüstık Qazaqstan oblysynyŋ äkımı Ǧauez Nūrmūhambetov Memleket basşysyna aimaqtaǧy Qyzyljar, Esıl, Şal aqyn audandary men Petropavl qalasyndaǧy su tasqyny jaǧdaiyn baiandady.
Äkımnıŋ aituynşa, alty audanda tötenşe jaǧdai jariialanǧan. Qazırgı taŋda 2 myŋnan astam tūrǧyn üidı su basyp, 10345 adam evakuasiialanǧan. Al su tasqynyna qarsy şaralarǧa 5270 adam jäne 906 tehnika jūmyldyrylǧan.
Qazır aimaqta halyqtyŋ tūrmys-tırşılıgıne qajettı infraqūrylymdardy qalpyna keltıru jūmystary jürgızılıp jatyr.
Odan bölek, tabiǧi apattan zardap şekken azamattardyŋ materialdyq şyǧyndaryn esepteu jäne öteu jönınde komissiia qūrylǧan.
Ūqsas jaŋalyqtar
