Memleket basshysy Soltústik Qazaqstan oblysyna jumys saparymen bardy, dep habarlaıdy "Adyrna" tilshisi Aqordaǵa siltep.
Prezıdent Qasym-Jomart Toqaevtyń jumys sapary barysynda Sergeevka sý qoımasyn, Qyzyljar aýdanyn jáne Petropavl qalasynyń tóńiregin tikushaqpen aralady.
Soltústik Qazaqstan oblysynyń ákimi Ǵaýez Nurmuhambetov Memleket basshysyna aımaqtaǵy Qyzyljar, Esil, Shal aqyn aýdandary men Petropavl qalasyndaǵy sý tasqyny jaǵdaıyn baıandady.
Ákimniń aıtýynsha, alty aýdanda tótenshe jaǵdaı jarııalanǵan. Qazirgi tańda 2 myńnan astam turǵyn úıdi sý basyp, 10345 adam evakýaııalanǵan. Al sý tasqynyna qarsy sharalarǵa 5270 adam jáne 906 tehnıka jumyldyrylǵan.
Qazir aımaqta halyqtyń turmys-tirshiligine qajetti ınfraqurylymdardy qalpyna keltirý jumystary júrgizilip jatyr.
Odan bólek, tabıǵı apattan zardap shekken azamattardyń materıaldyq shyǵyndaryn esepteý jáne óteý jóninde komıssııa qurylǵan.
