Memlekettık keŋesşı Erlan Qarin deputat Nartai Aralbaiūlyna bergen sūhbatynda şeteldık qorlardan qarjy alyp, Qazaqstandy negızsız synaityn belsendıler men sarapşylar turaly aitty.
«Bır äleumettık jelıden azamattyq belsendınıŋ şeteldegı seminarda söilep jatqan videosyn körıp, aşulandym. Ol şeteldegı bır seminarǧa qatysyp jatyr eken. Sol jerde Qazaqstanda soŋǧy jyldary jaǧdai naşarlap kettı, azamattar öz pıkırın aita almaidy, söz bostandyǧy mülde joq, saiasi damuymyz artqa ketıp bara jatyr jäne taǧy basqa da pıkır aitqan. Zalda otyrǧandardyŋ barlyǧy şetel azamattary. Mūny körıp aşulanǧanym ras. Ärine, kemşılıkter bar, ony eşkım joqqa şyǧaryp otyrǧan joq. Bıraq barlyǧy jaman, alǧa jylju joq, tek kerısınşe ketıp bara jatyrmyz dep aitu da jalǧan, şyndyqqa janaspaidy. Elde demokratiianyŋ bar ekenınıŋ bır belgısı, auyl äkımderın sailau. Parlament pen mäslihatqa tıkelei bır mandattyq okrugten sailanyp jatyr. Bügınde Parlamentte qanşama sailaudan ötıp, halyqtyŋ mandatyna ie bolyp kelgen azamattar bar. Mıne, osynyŋ bärın qalaişa joqqa şyǧaruǧa bolady? Nemese sız özıŋız de kez kelgen azamatty äleumettık jelıden, Youtubejelısınde özınde qanşama saiasi podkasttar şyǧyp jatyr. Menıŋşe, muzykany da, kinony da osylai talqylamaityn şyǧar», - deidı Erlan Qarin.
Ol podkast baǧdarlamalardyŋ köbısınde saiasattyŋ qudalanatynyn aitty.
Eger söz bostandyǧy joq bolatyn bolsa, eger ärbır adam öz pıkırı üşın quadalanatyn bolsa, jūrttyŋ barlyǧy Youtube-tan saiasat turaly podkast aşa ma? Kädımgıdei üş adam otyryp alyp, talqylap, synap jatady. Şyndyqqa keletın de, kelmeitın de närsenı aityp jatady. Kei kezde tıptı bolmaǧan jaǧdaidy talqylap jatady. Qaueset äŋgımelerdı şyn keiıpke salyp, sarapşy bolyp talqylaidy. Tıptı, jauapkerşılıktı de sezınbeidı. Sol üşın olar ne bolsa sony aita beredı. Söitıp otyryp syrtqa baryp, eldı jamandaidy. Būǧan qalaişa şydaisyŋ? Osydan keiın qalai syn aitpaisyŋ?» - deidı memlekettık keŋesşı.
Erlan Qarin jaqynda qoǧamdyq alaŋda jürgen bır ärıptesı Qazaqstannyŋ körsetkışterı jaqsy, sondyqtan halyqaralyq qor mūndai jobalardy qarjylandyrudy azaitatynyn aitqanyn jetkızdı.
«Öitkenı, olarǧa baiaǧydai ainalysatyn qajettılık joq. Sol sebeptı qysqartylatyn körınedı. Sol ärıptesım «sızdıŋ ne aitqyŋyz kelgenın endı ǧana tüsındım» deidı. Şyndyǧynda da, bızdıŋ keibır ärıptesterımızdıŋ syrtqa baryp, Qazaqstandy jamandauy, jäi ädet emes, arnaiy bır maqsat deuge bolady. Sebebı, eldı jamandasa, qarjylaryn üzbei ala beredı. Būlardyŋ jaǧdaiy älı de qiyn eken, älı zertteu kerek eken, älı bır joba kerek eken deidı. Eger jaǧdaidyŋ dūrystyǧyn aitsa, olarǧa qarjy berılmeidı. Men jaǧdaidyŋ şynynda solai ekenın endı ǧana tüsındım. Ol baiaǧydan solai. Qoǧamdyq alaŋda jürgen keibır ärıptesterdı bılemın, 20-30 jyl öttı, aitatyn äŋgımelerı bır. Bıraq osy Qazaqstanda jüredı, syrtqa biznes-klaspen ūşyp barady. Şetelde qydyryp jüredı, mysaly bız olai jürmeimız. Şetelde jüredı, paidany osy elde tabady, syrtqa baryp Qazaqstandy jamandaidy. Osydan keiın qalai synamaisyŋ? Sosyn elde jürgen tılşılerdı täuelsız emes dep aitady. Şyn mänınde olardy da basqa eldıŋ ükımetı qorlar arqyly qarjylandyryp otyr eken. Şyndyqty da talap etetın bolsaq, ädıl bolaiyq. Bırdei talap qoiaiyq. Sonda ǧana tura jolmen jüremız», - deidı ol.
