Qazaqstan Respublikasynyŋ premer-ministrı Oljas Bektenov 45 jasqa toldy, dep habarlaidy "Adyrna" ūlttyq portaly.
Oljas Bektenov 1980 jyly Almaty qalasynda düniege kelgen. 2001 jyly Qazaq memlekettık zaŋ akademiiasyn zaŋger mamandyǧy boiynşa tämamdaǧan. Eŋbek jolyn 2002 jyly Almaty qalasy Ädılet basqarmasynda bölımnıŋ bas mamany retınde bastaǧan.
Oljas Bektenov premer-ministr qyzmetıne 44 jasynda taǧaiyndalǧan.
Aita keteiık, Qazaqstannyŋ tūŋǧyş prezidentı Nūrsūltan Nazarbaev ta 44 jasynda Qazaq SSR Ministrler keŋesınıŋ töraǧasy bolyp taǧaiyndalǧan.
Är jyldary QR premer-Ministrı Keŋsesınde, QR Prezidentınıŋ Äkımşılıgınde jauapty qyzmetter atqardy. 2009–2012 jyldary Ädılet ministrlıgınıŋ Tırkeu qyzmetı jäne qūqyqtyq kömek körsetu komitetı töraǧasynyŋ orynbasary boldy. Keiın Ekonomikalyq qylmysqa jäne sybailas jemqorlyqqa qarsy agenttıktıŋ ortalyq apparatynda departamenttı basqardy.
2015–2016 jyldary Astana qalasy äkımınıŋ apparat basşysy, sondai-aq QR Prezidentı Äkımşılıgı basşysy hatşylyǧynyŋ meŋgeruşısı qyzmetterın atqardy. 2016–2017 jyldary Sybailas jemqorlyqqa qarsy qyzmettıŋ Astana qalasy boiynşa departamentın basqardy.
2017–2018 jyldary Aqmola oblysy äkımınıŋ orynbasary boldy. Odan keiın QR Memlekettık qyzmet ısterı jäne sybailas jemqorlyqqa qarsy ıs-qimyl agenttıgı töraǧasynyŋ orynbasary, 2019–2022 jyldary Sybailas jemqorlyqqa qarsy ıs-qimyl agenttıgı töraǧasynyŋ bırınşı orynbasary qyzmetterın atqardy.
2022 jyldyŋ aqpanynan 2023 jyldyŋ säuırıne deiın Sybailas jemqorlyqqa qarsy ıs-qimyl agenttıgınıŋ töraǧasy boldy. 2023 jylǧy 3 säuırde Memleket basşysynyŋ Jarlyǧymen QR Prezidentı Äkımşılıgınıŋ basşysy bolyp taǧaiyndaldy. Al 2024 jylǧy 6 aqpanda QR Prezidentınıŋ Jarlyǧymen Qazaqstan Respublikasynyŋ premer-ministrı qyzmetıne kırıstı.
Oljas Bektenov II därejelı «Aibyn» (2014) jäne «Daŋq» (2021) ordenderımen marapattalǧan.
