Foto: Uikipediia
Özbekstan İrannyŋ Armeniiadaǧy elşılıgı Samarqandty «parsy örkenietı men säuletınıŋ bır bölıgı» dep sipattaǧan jariialanymyna bailanysty narazylyq bıldırdı. 23 qazanda Özbekstan syrtqy ıster ministrlıgı İran elşısı Mūhammad Äli İskandaridı şaqyryp, oǧan resmi narazylyq notasyn tapsyrdy. Būl turaly Özbekstan SIM habarlady, dep jazady “Adyrna”.
Diplomatiialyq narazylyqqa İrannyŋ Armeniiadaǧy elşılıgınıŋ X äleumettık jelısınde jariialaǧan jazbasy sebep bolǧan. Onda AQŞ Memlekettık hatşysy Marko Rubionyŋ Samarqandqa sapary turaly habarlamaǧa tüsınıkteme berılıp, qala «parsy örkenietı men säuletınıŋ bır bölıgı» retınde sipattalǧan.
Özbekstannyŋ syrtqy saiasi vedomstvosy mūndai tūjyrym Samarqandtyŋ tarihi-mädeni mūrasyn bırjaqty tüsındıredı jäne ony saiasi maqsatta paidalanuǧa jol aşady dep sanaidy.
Ministrlık mälımdemesınde Samarqand, Būhara, Hiua jäne basqa da tarihi qalalardyŋ Özbekstannyŋ ǧasyrlar boiy qalyptasqan mädeni mūrasynyŋ ajyramas bölıgı ekenı atap ötıldı. Sondai-aq Samarqandtyŋ säulettık kelbetı özbek halqynyŋ tarihyn, memlekettılık dästürlerı men mädeni damuyn beineleitını aityldy.
Osyǧan bailanysty Özbekstan tarapy diplomatiialyq ökıldıkterdıŋ äleumettık jelılerdegı paraqşalarynan dauly jariialanymdardy öşırudı jäne mūndai jaǧdailardyŋ qaitalanbauy üşın tiıstı şaralar qabyldaudy talap ettı.
Sonymen bırge Özbekstan SIM İranmen özara qūrmet pen senımge negızdelgen qarym-qatynasty baǧalaitynyn mälımdedı. Alaida tarihi-mädeni mūraǧa qatysty mäselelerde eldıŋ ūlttyq ūstanymy tabandy türde qorǧalatynyn jetkızdı.
