Aitysker aqyn, būrynǧy Mäjılıs deputaty Rinat Zaiyt Qazaqstan Respublikasy Qaruly Küşterınıŋ Ūlttyq äskeri-patriottyq ortalyǧyn basqaruǧa kırıstı. Ol jaŋa qyzmetke qazan aiynyŋ basynda, Maŋǧystau oblysynda 14 sarbazdyŋ qaza tabuynan keiın kelgen. Būl turaly ol Adal ADAM YouTube arnasyna bergen sūhbatynda aitty, dep habarlaidy “Adyrna” .
Aqynnyŋ sözınşe, ortalyqtyŋ negızgı mındetterıne äskeri ansamblder men orkestrlerdıŋ jūmysyn üilestıru, mädeni jäne patriottyq ıs-şaralardy ūiymdastyru kıredı. Sonymen qatar mekeme äskeri qyzmetşıler men äskerge şaqyryluǧa deiıngı jastardyŋ boiynda otansüigıştık qasiettı qalyptastyruǧa baǧyttalǧan jūmystar jürgızedı.
Rinat Zaiyttyŋ mälımdeuınşe, onyŋ būl qyzmetke keluıne qorǧanys salasynda qolǧa alynǧan reformalar da yqpal etken.
«Soŋǧy jaǧdailardan keiın Memleket basşysy Qasym-Jomart Toqaev qorǧanys salasynda tübegeilı özgerıster jasaudy tapsyrdy. Būl reformalar bastaldy. Men özım jaŋa özgerısterge qatysqandy jaqsy köretın adammyn. Sondyqtan būl qyzmetke quana-quana keldım. Sol reformanyŋ kışkentai bolsa da bır bölşegıne atsalyssam degen armanmen keldım», – dedı Rinat Zaiyt.
