Erlan Qarin IýNESKO-nyŋ Bas konferensiiasynda söz söiledı

2449
Adyrna.kz Telegram
https://adyrna.kz/content/uploads/2023/11/img_5129.jpeg
Memlekettık keŋesşı, Qazaqstan Respublikasynyŋ IýNESKO jäne İSESKO ısterı jönındegı Ūlttyq komissiiasynyŋ töraǧasy Erlan Qarin IýNESKO-nyŋ Parijde ötıp jatqan 42-şı Bas konferensiiasynyŋ jalpysaiasi debattarynda söz söiledı, dep habarlaidy “Adyrna” portaly. Erlan Qarin Qazaqstannyŋ IýNESKO-men jan-jaqty ärıptestıktı damytuǧa basa män beretının atap öttı. Memlekettık keŋesşı mūndai yqpaldastyq elımızde saiasi, ekonomikalyq jäne äleumettık-gumanitarlyq reformalar jürgızuge yqpal etetının aitty. Delegattarǧa Qazaqstan Respublikasynyŋ Prezidentı Qasym-Jomart Toqaevtyŋ Türkıstanda ötken Ūlttyq qūryltaidyŋ ekınşı otyrysynda jäne biylǧy 1 qyrküiektegı Qazaqstan halqyna Joldauynda aitylǧan bırqatar bastama turaly aqparat berıldı. “Qazaqstanda jürgızılıp jatqan reformalardyŋ maqsaty – bılım, ǧylym jäne mädeniettı örkendetu arqyly ūlttyŋ jaŋa sapasyn qalyptastyru”, – dedı Erlan Qarin. Memlekettık keŋesşı elımızde mädeni jäne tabiǧi mūralardy qorǧauǧa qatysty naqty jobalardy ıske asyru, bılım beru salasyn, jaratylystanu jäne gumanitarlyq ǧylymdardy, kommunikasiia jäne būqaralyq aqparat qūraldaryn damytu üşın IýNESKO-nyŋ däiektı türde qoldau körsetuı maŋyzdy ekenıne toqtaldy. Erlan Qarin beibıtşılıktı nyǧaituǧa, ornyqty damuǧa jäne mädenietaralyq dialogty örkendetuge yqpal etetın Ūiymnyŋ mınberınen söz söilep, Qazaqstan Prezidentınıŋ Bırıkken Ūlttar Ūiymy Bas assambleiasynyŋ sessiiasynda kielı kıtaptardy, sonyŋ ışınde Qūrandy vandalizmnen qūqyqtyq tūrǧydan qorǧau qajet ekenı jönınde mälımdeme jasaǧanyn eske saldy. Sondai-aq «Tūrannyŋ qysqy suyq şölderı» köpūlttyq nominasiiasynyŋ qūramdas bölıkterı retınde «Altyn Emel» ūlttyq parkı men Barsakelmes qoryǧy aumaqtaryn Düniejüzılık mūra tızımıne qosuǧa qoldau bıldırgenı üşın Ūiymǧa müşe memleketterge alǧys aitty. Klimattyŋ özgeru sebepterıne bailanysty Memleket basşysy Qasym-Jomart Toqaevtyŋ Bırıkken Ūlttar Ūiymy aiasynda 2026 jyly Qazaqstanda Aimaqtyq klimattyq sammit ötkızu turaly bastamasyna nazar audaryldy. Erlan Qarin sözın qorytyndylai kele, Qazaqstannyŋ IýNESKO-men aradaǧy tiımdı ekıjaqty yntymaqtastyqty odan ärı damytuǧa jäne nyǧaituǧa daiyn ekenın jetkızdı.
Pıkırler