FlyArystan sotta jeŋıldı. Ministrlık nūsqamasy zaŋdy dep tanyldy

463
Adyrna.kz Telegram
https://www.adyrna.kz/storage/uploads/WmhoLWHqaWSRf6Sy7xSdDOKCJVlS4Ja1RMYPr3RI.jpg

Foto: FlyArystan

Almaty qalasynyŋ soty FlyArystan äuekompaniiasyna Sauda jäne integrasiia ministrlıgı tarapynan berılgen nūsqamany zaŋdy dep tanydy. Būǧan kompaniianyŋ ışkı erejelerınen jolauşylardyŋ zaŋdy qūqyqtaryn şekteitın bırqatar talaptardyŋ anyqtaluy sebep bolǧan. Būl turaly vedomstvonyŋ resmi saity jariialady,  dep habarlaidy “Adyrna”.

Oqiǧa jolauşylardyŋ bırınen tüsken şaǧymnan keiın bastalǧan. Osyǧan bailanysty Almaty qalasynyŋ Sauda jäne tūtynuşylardyŋ qūqyqtaryn qorǧau departamentı Tūtynuşylardyŋ qūqyqtaryn qorǧau komitetımen jäne onyŋ Astanadaǧy aumaqtyq departamentımen bırlesıp, äuekompaniiaǧa jospardan tys tekseru jürgızdı.

Tekseru nätijesınde FlyArystan kompaniiasynyŋ ışkı qūjattarynda Qazaqstan zaŋnamasynda közdelgen jolauşylar qūqyqtaryn şekteitın bırneşe ereje bary belgılı boldy.

Atap aitqanda, zaŋbūzuşylyqtar mynadai mäselelerdı qamtyǧan:

  • tasymaldau şarttaryn äuekompaniianyŋ bırjaqty tärtıppen özgertuı;
  • kompaniianyŋ jolauşylar aldyndaǧy jauapkerşılıgın şekteuı;
  • zaŋnama talaptaryna säikes kelmeitın qosymşa tölemderdı alu;
  • bilettıŋ aqşasyn qaitaru qūqyǧyna şekteu qoiu;
  • jolauşylarǧa qajettı aqparatty tolyq ūsynbau jäne jazbaşa şaǧym beru mümkındıgın şekteu.

Tekseru qorytyndysy boiynşa uäkılettı organ äuekompaniiaǧa anyqtalǧan kemşılıkterdı joiudy jäne jolauşylardy tasymaldau erejelerın qoldanystaǧy zaŋnamaǧa säikestendırudı mındettedı.

Alaida FlyArystan tekseru nätijelerımen kelıspei, ministrlık bergen nūsqamanyŋ küşın joiudy talap etıp, sotqa şaǧymdanǧan.

2026 jylǧy 21 şıldede Almaty qalasynyŋ mamandandyrylǧan audanaralyq äkımşılık soty äuekompaniianyŋ talabyn qanaǧattandyrudan bas tartty. Kompaniia būl şeşımge apelliasiialyq şaǧym tüsırgenımen, joǧary satydaǧy sot alǧaşqy ükımdı özgerıssız qaldyrdy.

Osylaişa sot tūtynuşylardyŋ qūqyqtaryn qorǧau organdarynyŋ tekseru jürgızuı men anyqtalǧan zaŋbūzuşylyqtardy joiu jönındegı talaptarynyŋ zaŋdylyǧyn rastady.

Sauda jäne integrasiia ministrlıgı äuekompaniialardyŋ ışkı erejelerı zaŋ talaptaryna qaişy kelmeuı kerektıgın eske saldy. Atap aitqanda, tasymaldau şarttary, bilet qūnyn qaitaru, qosymşa tölemder jäne tūtynuşylardyŋ şaǧymdaryn qarau tärtıbı jolauşylardyŋ zaŋmen bekıtılgen qūqyqtaryn şektemeuı tiıs.

Aita keteiık, būǧan deiın, 2025 jyly Azamattyq aviasiia komitetı jolauşylardy, bagaj ben jükterdı tasymaldau talaptaryn būzǧany üşın Qazaqstannyŋ tört äuekompaniiasyn äkımşılık jauapkerşılıkke tartqan bolatyn.

Pıkırler